Prezıdentke kásiporyn Kindus ońtústikkoreıalyq óndirisiniń joǵary tehnologııaly avtomattandyrylǵan jelisimen jabdyqtalǵany jóninde baıandaldy. Zaýyt jylyna 1,8 mıllıon sharshy metrge deıin ónim shyǵara alady, dep habarlaıdy Egemen.kz Aqordanyń baspasóz qyzmetine silteme jasap.
Munda zamanaýı jabdyqtarmen jáne tehnologııamen jumys isteý úshin Kindus-tyń ınjenerlerdi oqytý kýrsynan ótken 50 maman eńbek etedi. Búginde sendvıch-panelder ónerkásiptik, logıstıkalyq, ákimshilik, sporttyq jáne basqa da nysandardyń qurylysyn júrgizýde suranysqa ıe ekeni aıtyldy.
Memleket basshysy eńbek ujymymen áńgimelesý barysynda zaýyttyń básekege qabilettiligin arttyrýǵa basymdyq beretinine jáne elimizdiń ınfraqurylymyn damytýǵa zor úles qosatynyna senim bildirdi.