Almatyda burynǵy sýdıa Svetlana Jolmanova asa iri mólsherdegi alaıaqtyq jasaǵany úshin 10 jylǵa bas bostandyǵynan aıyryldy, dep habarlaıdy Egemen.kz.
Burynǵy sýdıa Svetlana Jolmanova Qylmystyq kodekstiń 190-baby 4-bóliginiń 2-tarmaǵy — asa iri kólemdegi alaıaqtyq baby boıynsha kináli dep tanylyp, 10 jylǵa bas bostandyǵynan aıyryldy.
Sot deregine sáıkes, Jolmanova 2021–2024 jyldar aralyǵynda azamattardy jyljymaıtyn múlik satyp alýǵa jáne tenderlik jobalarǵa qatysýǵa kómektesemin degen jeleýmen alaıaqtyq áreketter jasaǵan. Ol senimge kirip, dostary, kórshileri, tanystary jáne áriptesterinen iri kólemde aqsha alǵan.
Sot úkimine sáıkes, Jolmanova jazasyn qaýipsizdigi ortasha túzetý mekemesinde óteıdi. Qamaýda ustaý bultartpaý sharasy ózgerissiz qaldyryldy.
Bul is boıynsha ekinshi fıgýrant — Danııar Kúshalıev te kináli dep tanylyp, Qylmystyq kodekstiń 190-baby 3-bóliginiń 1-tarmaǵy boıynsha 3 jylǵa bas bostandyǵynan aıyryldy.
Tergeý barysynda alaıaqtyqqa qatysty 48 epızod anyqtalyp, bir is aıasynda biriktirilgeni habarlandy.