Otbasy bankiniń jańa ınternet-portaly orken.otbasybank.kz iske qosyldy. Platforma arqyly turǵyn úı kezegine turý úshin ótinimdi tolyq onlaın rejimde berýge bolady.
Ol úshin ESQ arqyly avtorızasııadan ótý jetkilikti. Júıe avtomatty túrde azamattyń úıi bar-joǵyn, tabysyn, otbasy quramyn jáne muqtajdyq mártebesin 14 túrli memlekettik derekqormen baılanystyra otyryp tekseredi. О́tinish qaralǵannan keıin sheshim týraly habarlama azamattyń telefonyna 1414 qysqa nómirinen «SMS» arqyly keledi. Onda ótinimniń maquldanǵany nemese keri qaıtarylǵany kórsetiledi. Qosymsha aqparat alý úshin «eGov Mobile» qosymshasyn ashyp, basty betindegi «Tanymal qyzmetter» bóliminen turǵyn úı kezegine qatysty anyqtamalyq málimetterdi oqýǵa bolady. Munda ótinim berý talaptary men qajetti sharttar berilgen.