Premer-mınıstr Oljas Bektenov Qaraǵandy oblysyna jumys sapary barysynda Memleket basshysynyń ónerkásipti damytý, tereń óńdeýge basa nazar aýdara otyryp, ekonomıkany ártaraptandyrý, energetıkalyq ınfraqurylym men agroónerkásip keshenin damytý jónindegi tapsyrmalarynyń oryndalý barysyn tekserdi.
«Saran» ındýstrııalyq aımaǵynyń kásiporyndary, «Qarmet» AQ óndiris nysandary, onyń ishinde metallýrgııa kombınaty men «Saran» shahtasyna bardy. Energetıka, kommýnaldyq jáne aýyl sharýashylyǵy salalaryndaǵy jobalarǵa nazar aýdaryldy.
Premer-mınıstr Qaraǵandy oblysynyń Saran qalasynda ornalasqan «Saran» ındýstrııalyq aımaǵynyń damýymen tanysty. «Qazaqstandyq ystyq myryshtaý zaýyty» JShS myryshtalǵan metall buıymdaryn óndiretin jańa kásiporynnyń ashylýyn mysalǵa ala otyryp, qosylǵan quny joǵary ónim shyǵarýdy arttyrý baǵytynda atqarylyp jatqan jumystar tekserildi. Ystyq myryshtaý nemese metall buıymdaryn tot basýdan qorǵaý qurylysta, mashına jasaý men aýyl sharýashylyǵynda jáne ekonomıkanyń basqa salalarynda keńinen qoldanylady. Elimizdiń ónerkásibindegi oń dınamıkany eskere otyryp, myryshtalǵan metall buıymdaryna suranys jyl saıyn artyp keledi. Qýaty jylyna 50 myń tonna ónim shyǵarýǵa jetetin kásiporyndy iske qosý otandyq metall konstrýksııalaryn óndirýshiler qajettiliginiń 80%-yn óteýge múmkindik beredi. Jobaǵa 6,2 mlrd teńge ınvestısııa tartylyp, onyń 80%-y – «Báıterek» holdınginiń tetikteri arqyly usynylatyn qaryz qarajaty. Zaýyt memlekettik qoldaý sharalarynyń tıimdiliginiń nátıjesinde iske qosyldy. 115 turaqty jumys ornyn ashý josparlanyp otyr. Sonymen qatar iri óndiris oshaǵy tóńireginde shaǵyn jáne orta bıznes beldeýin damytýǵa qosymsha serpin berilmek.
Premer-mınıstr Saran qalasyndaǵy shınalar shyǵaratyn «Tengri Tyres» JShS zaýytynda boldy. Kásiporyn ımportqa táýeldilikti azaıtyp, jergilikti óndiristi damytýǵa baǵyttalǵan. Tolyq sıkldi zaýytta halyqaralyq standarttarǵa saı tehnologııalyq barlyq prosess iske qosyldy. Bıylǵy qańtar-naýryz aılarynda Attar brendimen jalpy quny 2,6 mlrd teńge bolatyn 135,4 jeńil jáne júk kólikteri dóńgelekteri jáne qysqy shınalar shyǵaryldy. Ishki naryqtyń qajettilikterin qamtamasyz etýmen qatar, jeńil kólik shınalary eksporty júzege asyrylady. «Tengri Tyres» JShS dırektory Aleksandr Ýstavshıkov jyl sońyna deıin quny 29,3 mlrd teńge bolatyn 1,2 mln shına shyǵarý jospary týraly aıtty. Qazirgi tańda zaýytta 850 adam jumys isteıdi. Tolyq jobalyq qýatyna shyǵý jalpy 1 125 turaqty jumys ornyn ashýdy qamtamasyz etedi.
Premer-mınıstr jetkizilimder kólemin odan ári arttyrýdyń jáne satý naryǵyn keńeıtýdiń mańyzdylyǵyn atap ótti.
«Silk Road Electronics» JShS turmystyq tehnıka óndiretin kásipornyn aralaý barysynda óndiristi lokalısazııalaýdy arttyrý josparlaryna nazar aýdaryldy. Bul kórsetkish búginde 50%-dan asady. Ári qaraı ósý úshin jabdyqty jańǵyrtýǵa qomaqty ınvestısııa salyndy. Shyǵarylatyn ónimder – teledıdar, sý jylytqysh, shaǵyn pesh, sorǵy, shańsorǵysh, kir jýatyn mashına, as úı plıtasy jáne basqa da tehnıkalar elimizde jáne kórshiles elderge satylady.
Premer-mınıstr «Saran» shahtasynda jumysshylardyń eńbek qaýipsizdigin qamtamasyz etý boıynsha júrgizilip jatqan jumystarmen tanysty. 520 metr tereńdiktegi shahtaǵa túsý barysynda uńǵyma ýchaskeler qaraldy. «Qarmet» AQ Kómir departamentiniń dırektory Jaqan Muhamedjanov naqty ýaqyt rejiminde jerasty qazbalaryndaǵy qyzmetkerlerdiń ornalasqan jerin baqylaýǵa múmkindik beretin personaldy pozısııalaý júıesin álemdik standarttarǵa sáıkes engizý týraly habardar etti. Bul qaýipsizdikti baqylaýdy kúsheıtedi jáne tótenshe jaǵdaılarda jedel áreket etýge múmkindik beredi. Jumys oryndaryndaǵy shahterlermen beınebaılanystyń tehnıkalyq múmkindikteri tanystyryldy. Jańǵyrtý baǵdarlamasy sonymen qatar uńǵyma jabdyqtaryn jańartýdy, jeldetý júıelerin jaqsartýdy, órtten qorǵaýdy kúsheıtýdi jáne jerasty jumystarynyń sıfrlyq ınfraqurylymyn keńeıtýdi qamtıdy.
Kenshilermen áńgimelesý barysynda óndiristi sıfrlandyrýǵa beıimdeý máseleleri talqylandy. Oljas Bektenov jumysshylardyń eńbek qaýipsizdigin qamtamasyz etý úshin basqa shahtalarda osyndaı qondyrǵylardy jedeldetý qajettigin atap ótti. Qarmet kómir kásiporyndaryn jańǵyrtýǵa salynǵan ınvestısııalardyń jalpy kólemi shamamen 500 mln dollardy quraıdy. Ozyq júıelerdi engizý boıynsha aýqymdy jumystarmen basqa da shahtalar qamtylatyn bolady.
Premer-mınıstr Temirtaý qalasyndaǵy Qarmet metallýrgııalyq kombınatynda boldy. Bıylǵy bes aıda kásiporyn qatty bolat óndirisin 13%-ǵa – 1,5 mln tonnaǵa deıin ulǵaıtty.
Premer-mınıstrge qýattylyǵy jylyna 4 mln tonnaǵa deıin suıyq bolat konverter sehynyń alańynda Prezıdenttiń tapsyrmasyna sáıkes óndiristik qýattardy tabıǵı gazǵa qosý boıynsha júrgizilip jatqan jumys týraly baıandaldy. О́tken jyly №1 jáne №2 konverterlerge kúrdeli jóndeý júrgizilip, korpýstar tolyq aýystyryldy, anaǵurlym zamanaýı ári ornyqty konstrýksııalar ornatyldy. Bul bolat balqytý kólemin ulǵaıtýǵa jáne sehtyń óndiristik tıimdiligin arttyrýǵa múmkindik berdi.
Munda Oljas Bektenov №8 jáne №9 koks batareıalarynyń qurylysymen tanysty. Qýattylyǵy jylyna 1,5 mln qurǵaq koks bolatyn ınvestısııalyq joba Premer-mınıstrdiń 2024 jylǵy 5 qarashada Qytaı Halyq Respýblıkasyna jumys sapary kezinde qol jetkizilgen ýaǵdalastyqtar sheńberinde qytaılyq ACRE Coking & Refractory Engineering Consulting Co., Ltd kompanııasymen birlesip júzege asyrylýda. 2027 jylǵa josparlanǵan óndiristiń negizgi parametrleri tanystyryldy.
Premer-mınıstr Temirtaý qalasyndaǵy jylý jelilerin rekonstrýksııalaý ýchaskesin qarap shyqty. Oljas Bektenov jylytý maýsymyna daıyndyq erekshe baqylaýda ekenin atap ótti.
Sondaı-aq Nura aýdanynda ornalasqan «Ramadan sút fermasy» JShS-ǵa barǵan Oljas Bektenov óńirdiń agroónerkásip kesheniniń damýymen tanysty.