Ál‑Farabı atyndaǵy Qazaq ulttyq ýnıversıtetindegi Farabi HUB ınnovasııalyq damý ortalyǵynda TusPark Business Incubator Co. bıznes‑ınkýbatory ashyldy, dep habarlaıdy Egemen.kz.
Ǵylymı ázirlemeler kórmesimen bastalǵan shara barysynda startap jobalar men stýdenttik bıznes‑ınkýbator baıqaýy jeńimpazdarynyń jumystary tanystyryldy.
Ál-Farabı atyndaǵy QazUÝ basqarma tóraǵasy–rektor Janseıit Túımebaev bıznes-ınkýbatordyń ashylýynda sóz sóılep, joba Prezıdent Qasym‑Jomart Toqaevtyń Qazaqstan halqyna joldaýynda aıtylǵan mindettemelerdi júzege asyrýǵa baǵyttalǵanyn jetkizdi. Joldaýda: «Bıznes-ınkýbator, kommersııalandyrý ortalyǵy, tehnopark, qurastyrý bıýrosy sııaqty ınnovasııalyq ınfraqurylymdar qurýǵa qatysty jeke bastamalarǵa sóz júzinde emes, naqty ispen qoldaý kórsetetin pármendi sharalar kerek», delingen.
«Birlesken ınkýbator – bul ınnovasııalyq ekojúıege biriktirilgen zamanaýı ınfraqurylymdyq-uıymdastyrýshylyq platforma. Onyń qyzmeti startaptardy qoldaý men damytýǵa baǵyttalady. Basty nazar DeepTech, sıfrlyq, bıotehnologııalyq, bıomedısınalyq jáne «jasyl» tehnologııalarǵa aýdarylady. Inkýbator ǵylymı ázirlemelerdi bıznes-sheshimderge aınaldyrýdaǵy ozyq halyqaralyq tájirıbeni paıdalanyp, ınnovasııalyq jobalardyń jahandyq naryqtarǵa shyǵýyna yqpal etetin bolady», dep atap ótti rektor.
Sharada Tus‑Holdings Co., Ltd kompanııasynyń atqarýshy prezıdenti Djınshen Chjan birlesken jobanyń tehnologııalardy transferleý, ǵylymı ázirlemelerdi kommersııalandyrý jáne turaqty bıznes‑modelderdi qurýǵa tıimdi platforma bolatynyn atap ótti. TusHoldings Co., Ltd úshin jańa kezeń – keshendi ınnovasııalyq jáne ınvestısııalyq qyzmet kórsetetin platforma, ol Sınhýa ýnıversıtetiniń (QHR) strategııalyq quramdas bóligine aınalmaq. Aıtýynsha, ǵylymı jáne tehnologııalyq jetistikterdi transformasııalaý, startaptardy ınkýbatorlaý jáne ınnovasııalyq talanttardy damytý mıssııasyn atqaratyn bolady. Jańa bıznes‑ınkýbator ýnıversıtet jáne Qytaı ǵalymdary arasyndaǵy ǵylymı‑ınnovasııalyq seriktestikti nyǵaıtatyn jáne kásipkerlik bastamalardy qoldaıtyn mańyzdy platforma bolatyny anyq.
Sharaǵa qatysýshylar TusPark bıznes ınkýbatory, «Qashyqtyqtan zondtaý tehnologııasy men olardy qoldaný» Qazaqstan‑Qytaı birlesken zerthanasy jáne sýperkompıýter klasteri qyzmetimen tanysty.
Almaty