Úlestik turǵyn úı qurylysyn sıfrlandyrý aıasynda Qazaqstandyq turǵyn úı kompanııasy «Qazreestr» aqparattyq júıesin jaqsartý úshin aýqymdy jumystar júrgizdi. Servıs azamattardy zańsyz qarajat tartatyn qurylys kompanııalarynan turǵyn úı satyp alýdan qorǵaýǵa negizdelip otyr. dep habarlaıdy Egemen.kz.
«Qazreestr» memlekettik aqparattyq júıesi Úleskerlikpen qatysý sharttary men olar boıynsha talap etý quqyqtaryn qaıta tabystaý týraly kelisimderdiń ortalyqtandyrylǵan esebin júrgizedi. Júıe úlestik qurylys naryǵynda turǵyn úıdi «qos» satý múmkindigin boldyrmaý úshin ázirlengen. Byltyrǵy mamyrdan bastap Qazreestr 2.0 jańa nusqasy iske qosyldy. Ondaǵy negizgi ózgeris – eGov Mobile qosymshasynda elektrondyq sıfrlyq qoltańbany nemese QR kodyn paıdalana otyryp, elektrondyq Úleskerlikpen qatysý sharttaryn jasasý, sondaı-aq olardy keıinnen aqparattyq júıede avtomatty túrde tekserý jáne tirkeý fýnksııalary engizildi. Qazir ortaq qurylys jobalaryn tekserý qyzmeti elimizdegi birneshe banktiń mobıldi qosymshalarynda, sondaı-aq elektrondyq úkimettiń eGov Mobile mobıldi qosymshasynda bar.
Bul sheshim Úleskerlikpen qatysý sharttaryn burmalaý táýekelderin barynsha azaıtyp, memlekettik qyzmetti alýdy yńǵaıly etedi. Mysaly, elektrondyq Úleskerlikpen qatysý sharttary úshin tirkelý merzimi 3 kúnnen birneshe saǵatqa deıin qysqardy. О́tken jyldyń qorytyndysy boıynsha júıede 10 myńnan astam elektrondy Úleskerlikpen qatysý sharttary tirkeldi, bul Qazreestrde tirkelgen kelisimsharttardyń jalpy sanynyń shamamen 35%-y.
Buǵan deıin turǵyn úı-qurylys kooperatıvterine qatysý sharttaryn tirkeý tek offlaın rejiminde kórsetilip keldi. Sharttardy tirkeýdi de ákimdikter qaǵaz júzinde – tirkeý jýrnalynda júrgizdi. Mysaly, turǵyn úı kooperatıvteri úleskerlermen qaǵaz júzinde kelisimshart jasasyp, olardy keıinnen tirkeý úshin ákimdikterge tapsyrsa, qazir bul memlekettik qyzmet tolyǵymen sıfrlandyryldy. Bıyldan bastap barlyq turǵyn úı-qurylys kooperatıvteri qatysý sharttaryn Qazreestr júıesi arqyly onlaın tirkeýi kerek. Júıedegi jańashyldyq memlekettik qyzmetterdi alý merzimin ońtaılandyrady, qatelikter jiberý táýekelin boldyrmaıdy, sonymen birge syrtqy júıelermen yńǵaıly aqparattyq ózara árekettesý quraldaryn usynady.