19 maýsym kúni Pavlodar oblysynyń Aqsý qalasynda soqqan kúshti daýyldan keıin qalany qalpyna keltirý jumystary qarqyndy júrgizilip jatyr, dep jazady Egemen.kz.
Tabıǵı apat saldarynan 7970 abonent jaryqsyz qalǵan bolatyn. Qazirgi tańda turǵyn úıler men áleýmettik nysandardyń 97 paıyzyna elektr qýaty qaıta qosyldy.
Zaqymdanǵandar qatarynda 61 kópqabatty turǵyn úı, 102 jeke úı, 16 áleýmettik mekeme men 48 uıym bar. Qatty jeldiń saldarynan 250-den astam aǵash qulaǵan. Qalanyń tazalyǵy men qaýipsizdigin qamtamasyz etý úshin kommýnaldyq qyzmetter táýlik boıy jumys istep jatyr.
Qalpyna keltirý jumystaryna 1500-den astam maman men 30-dan asa arnaıy tehnıka jumyldyrylyp, búginge deıin 1700 tonnadan astam qoqys shyǵaryldy.
Tıisti qyzmetter apat saldaryn tolyq joıý baǵytynda jumystardy jalǵastyryp jatyr.