Búgin Qazaqstanda resmı kásibı merekelerdiń biri – Memlekettik qyzmetkerler kúni. Bul data 2013 jyly 23 maýsymda Memleket basshysynyń Jarlyǵymen bekitilgen bolatyn, dep jazady Egemen.kz.
Esterińizge sala keteıik, 2002 jyldyń jeltoqsanynda BUU Bas Assambleıasynyń 57-shi sessııasynda 23 maýsymdy Memlekettik qyzmet kúni dep jarııalaý týraly qaýly qabyldandy. Uıymǵa múshe memleketterdi bul kúndi ár elde belgileýge shaqyrǵan. 2003 jyly BUU Bas Assambleıasynyń sheshimimen bul kún halyqaralyq mereke mártebesine ıe boldy.
Qazaqstanda memlekettik qyzmet salasy – qoǵamdyq tártipti, basqarý júıesin jáne azamattarǵa qyzmet kórsetýdi qamtamasyz etetin mańyzdy qurylym. Sońǵy jyldary memlekettik qyzmet júıesi birqatar qurylymdyq ózgeristerge ushyrady. Prezıdent ákimshiligi men Memlekettik qyzmet isteri agenttigi kadrlyq turaqtylyq, ashyqtyq jáne merıtokratııa qaǵıdattaryn kúsheıtý baǵytynda jumystar júrgizip keledi. Memlekettik qyzmetke kirý rásimderi jeńildep, konkýrstyq júıe arqyly mamandar iriktele bastady.
Osy baǵyttaǵy mańyzdy bastamalardyń biri – Prezıdenttik jastar kadr rezervi. 2019 jyldan beri iske asyp kele jatqan bul jobaǵa 50 myńnan astam jas maman ótinish bildirse, solardyń ishinen júzdegen úmitker iriktelip, memlekettik basqarý júıesine tartylǵan.