Áskerı-patrıottyq jastar jıyny Aqtóbe oblysy, Mártók aýdany, Saryjar eldimekenindegi T. Bıgeldınov atyndaǵy Áýe qorǵanys kúshteri áskerı ınstıtýtynyń polıgonynda ótip jatyr. Oǵan Qazaqstannyń ár aımaǵynan jáne Ázerbaıjan, Belarýs, Reseı Federasııasy, О́zbekstan men Qyrǵyzstannan 800-den astam qyzdar men jigitter qatysýda. Jıynǵa alǵash ret Qytaıdan baqylaýshylar da keldi, dep habarlaıdy Egemen.kz.
Osymen 11-shi ret ótkizilip otyrǵan «Aıbyn» áskerı-patrıottyq jıyny Uly Jeńistiń 80 jyldyǵy men Álııa Moldaǵulovanyń 100 jyldyǵyna arnaldy.
Qatysýshylar túrli sporttyq saıystar men áskerı qımyldar boıynsha saıysqa túsedi. Sonyń ishinde «Aıbyn daryny» ıntellektýaldyq oıyny, pnevmatıkalyq vıntovkadan atý, robot tehnıkasynan konkýrs, «AK-74» avtomatyn jınaý jáne bólshekteý, basqa da shyǵarmashylyq konkýrstar josparlandy.
Jıynnyń maqsaty – jastardyń dene jáne tulǵalyq kúsh-qaıratyn shyńdaý, kórshiles elderdiń jastary arasyndaǵy yntymaqtastyq, óskeleń urpaq boıyndaǵy patrıottyq sezimdi nyǵaıtý jáne Otandy qorǵaýǵa árkez daıyn bolýǵa tárbıeleý.
Aqtóbe oblysy