Elimizde jyl saıyn 6 shildede Astana kúni atalyp ótedi. Bul kún resmı túrde demalys bolyp sanalady. Bıyl Astana kúni jeksenbige sáıkes kelip otyr. QR «Merekeler týraly» Zańyna sáıkes, bul jaǵdaıda qosymsha demalys kúni kelesi jumys kúnine — 7 shildege, dúısenbige aýystyrylady. Osylaısha, 5, 6 jáne 7 shilde kúnderi el azamattary úsh kún qatarynan demalatyn bolady, dep habarlaıdy Egemen.kz.
Jalpy shilde aıyndaǵy demalys jáne jumys kúnderi mynadaı:
Bes kúndik jumys aptasynda – 22 jumys kúni, 9 demalys kúni; Alty kúndik jumys aptasynda – 26 jumys kúni, 5 demalys kúni.Sonymen qatar bul aıda resmı emes, biraq salalyq mańyzy bar birneshe kásibı mereke bar:
2 shilde — Dıplomatııalyq qyzmet kúni; 6 shilde (jeksenbi) — Teńiz jáne ózen kóligi qyzmetkerleri kúni; 9 shilde — Sý sharýashylyǵy qyzmetkerleri kúni; 10 shilde — Veterınarııa qyzmetkerleri kúni; 13 shilde — Ulttyq qaýipsizdik organdary kúni; 13 shilde (ekinshi jeksenbi) — Balyq sharýashylyǵy qyzmetkerleri kúni; 14 shilde — Notarıat kúni; 20 shilde (úshinshi jeksenbi) — Metallýrgter kúni; 27 shilde (tórtinshi jeksenbi) — Saýda qyzmetkerleri kúni.