Sheteldik ınvestorlar keńesiniń otyrysy aıasynda Memleket basshysy birqatar halyqaralyq kompanııanyń ókilderimen kezdesti, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Wabtec prezıdenti jáne bas atqarýshy dırektory Rafael Santanamen áńgimelesý barysynda kompanııanyń uzaq jyldan beri Qazaqstannyń temirjol salasyndaǵy senimi seriktesine aınalǵanyn, elimizge 230 mıllıon dollardan asa ınvestısııa quıǵanyn atap ótti.
Amerıkalyq Wabtec korporasııasy kólik tehnologııasy boıynsha kóshbasshy kompanııalardyń biri retinde tanylǵan.
Memleket basshysy Philip Morris International kompanııasynyń TMD jáne Ortalyq Azııa óńiri boıynsha prezıdenti Marko Marıottımen ınvestısııalyq yqpaldastyq máselesin talqylady
Kompanııa ornyqty damýǵa jáne ınnovasııalar engizýge úles qosyp keledi, sondaı-aq iri salyq tóleýshiler sanatyna enedi.
1994 jyldan bastap 2023 jylǵa deıin Philip Morris kompanııasy Qazaqstannyń memlekettik bıýdjetine 1,2 trıllıon teńgeden asa salyq túsimin aýdardy.