ATYRAÝ. 16 aqpan. Atyraý oblysynda jumyssyzdyq deńgeıin tómendetý maqsatyndaǵy «Jumyspen qamtý –2020 jol kartasy» baǵdarlamasyn iske asyrý barysynda 4,1 mlrd. teńge ıgerilip, 3729 adam qamtyldy. Bul týraly egemen.kz tilshisi habarlady.
«2011 jyldan beri júzege asyrylyp kele jatqan «Jumyspen qamtý –2020 jol kartasy» baǵdarlamasy halyqtyń jumyspen qamtý jaǵdaıyn jaqsartýǵa, ál-aýhatyn arttyrýǵa áser etti. Máselen, 2014 jyly atalǵan baǵdarlamamen 3729 adam qamtyldy. Onyń ishinde 12,1 paıyzyn ózin-ózi qamtıtyndar, 76,8 paıyzdy jumyssyzdar, al 11,1 paıyzdyq mólsherdi az qamtylǵandar sanatyna jatqyzylǵandar qurady. Atalǵan baǵdarlama boıynsha 4,1 mlrd. teńge kóleminde qarajat ıgerildi» dep málim etken oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Kóńilqos Orysbaevqa birneshe saýalymyzdy qoıǵan edik.
– Kóńilqos Kereıuly, baǵdarlamanyń iske asyrylý baǵyttary týraly aıtyp berseńiz?
– Jalpy, atalǵan baǵdarlamanyń iske asyrýdyń birneshe baǵyty kózdelgen. Máselen, byltyr baǵdarlamanyń birinshi baǵyty boıynsha 38 jobada kózdelgen kúrdeli-jóndeý jumystary júrgizilip, 920 jańa jumys orny ashyldy. Baǵdarlamanyń bul baǵyty kóp jyldary jóndeýden ótpegen nysandardy jańartyp, aýyldyq jerde jumyssyz júrgen adamdardy jumyspen qamtýǵa múmkindik berdi.
– Baǵdarlamanyń ekinshi baǵyty neni kózdeıdi?
– Shyndyǵyn aıtý kerek, baǵdarlamanyń ekinshi baǵyty halyq arasynda kóbirek qyzyǵýshylyq týdyryp otyr. О́ıtkeni, osy baǵytpen kásipkerlik negizderine 440 adam oqytyldy. О́z isin ashý nemese kásibin keńeıtý úshin 492 adam 1248,5 mln. teńge kóleminde shaǵyn nesıe aldy. Jyl saıyn nesıe alýshylardyń sany kóbeıip, nesıe túrleri keńeıtildi. Nátıjesinde kásipkerler sany artyp keledi. Nesıeler jańadan jeke balabaqsha, shaǵyn oqý ortalyqtaryn ashý, sańyraýqulaq ósirý, qaıyq jasaý sııaqty baǵyttarǵa berildi. О́z isterin damytýmen qosymsha nesıe alýshylarmen jańadan 517 jumys orny quryldy. Demek, osynsha otbasynda tabys kózi paıda boldy deı alamyz. Baǵdarlamanyń osy baǵytymen nesıe alǵan 71 adamǵa qajetti ınjenerlik ınfraqurylym men jabdyqtar berildi.
– Úshinshi baǵyttyń qandaı ereksheligi bar?
– Bul baǵyt kásibı oqytýmen baılanysty iske asyryldy. Onyń nátıjesinde kásibı oqytýǵa 1099 adam tartyldy. Oqýyn aıaqtaǵan 591 adamnyń 82 paıyzy turaqty jumyspen qamtyldy.
– Baǵdarlamada jumys oryndaryn ashýdyń budan ózge joldary kózdelgen be?
– Osy baǵytta áleýmettik jumys oryndary men jastar tájirıbesi – ýaqytsha áleýmettik qoldaý túrleri retinde qarastyrylǵan. Áleýmettik jumys oryndaryn uıymdastyrýǵa 118 jumys berýshimen kelisim jasaqtalyp, 485 adam jumysqa ornalastyryldy. Joǵary jáne orta kásiptik oqý oryndaryn bitirgen jas túlekterde jumys tájirıbesi bolmaı jatady. Sol sebepten, olarǵa alǵashqy jumys tájirıbesin jınaqtaý maqsatynda jastar tájirıbesin iske asyrý kózdelgen. Jastar tájirıbesinen ótý úshin 1 415 jas túlek 197 mekememen arada jasalǵan kelisimder boıynsha jiberildi. Turaqty jumys oryndaryna 4 080 adam ornalastyryldy, onyń 1 913-in aýyl turǵyndary qurap otyr.
– Bul baǵdarlamanyń jumyssyzdyq deńgeıin tómendetýge áseri tıdi me?
– Baǵdarlamany iske asyrýda aldymen jumysyzdyq deńgeıin tómendetýge basa nazar aýdarylady. Atalǵan sharalardyń nátıjesinde jumyssyzdyq deńgeıi 4,9 paıyzǵa, jastar arasyndaǵy jumyssyzdyq deńgeıi 3,1 paıyzǵa deıin tómendedi.
– Elbasy jumyssyzdyqty tómendetý, osy oraıda iske asyrylǵan baǵdarlamalar týraly kóshege derekter ornalastyrýdyń mańyzyna toqtaldy. Bul baǵytta Atyraýda ne istelip jatyr?
– Bizdiń basqarma tarapynan Atyraý qalasynda jáne jeti aýdan ortalyǵynda «Jumyspen qamtý –2020 jol kartasy» baǵdarlamasy týraly bannerler daıyndaldy. Qazirgi ýaqytta Atyraý qalasynda 3, al ár aýdan ortalyǵynda bir-birden, barlyǵy 10 banner kóshelerge ilindi. Onda atalǵan baǵdarlama týraly málimetter keltirilgen. Bul baǵyttaǵy jumys aldaǵy ýaqytta da óz jalǵasyn tabady.
– Jalpy atalǵan baǵdarlamany iske asyrýdy jalǵastyrý jospary bar ma?
– Árıne. О́ıtkeni, bizdiń basty maqsatymyz – jumyssyzdyq deńgeıin tómendetip, halyqtyń jumyspen ornalasýyn qamtamasyz etý. Sol sebepten, bul baǵyttaǵy jumystardy alǵa qaraı damytý úshin 2015-2017 jyldarǵa arnalǵan jumyspen qamtý kartasy qala, aýdan, selo bólinisinde jasaqtalyp, josparlanǵan sharalar júzege asyryla beredi.
Joldasbek Shópeǵul.
Derek, sýret: egemen.kz.