ASTANA. 22 maýsym. Pavlodarda polıseıdi tabeldik qarýy úshin óltirildi. Bul týraly Tengrinews.kz habarlady.
Osy oqıǵaǵa qatysty kúdikti kóp uzamaı ustaldy. Ustaý barysynda onyń kisi óltirgen pyshaǵy, qan tıgen kıimin tárkilendi. Ol Jambyl oblysynyń 1982 jylǵy týmasy bolyp shyqty.
Oblystyq ishki ister departamentiniń bastyǵy Marat Qojaevtyń baspasóz máslıhatynda málim etkenindeı, kúdikti óz kinásin moıyndaǵan. Ol óziniń bul áreketin polıseıdiń tabeldik qarýyn alǵysy kelgendigimen túsindirgen.
Kúdiktini ustaýǵa jergilikti turǵyndardyń kómektesken. Vıdeobaqylaý kameralarynda bekinis beketinen bir adamnyń qashyp bara jatqanyn kórinedi. Tekseris kezinde kúdiktiniń qashyp kirgen páteri anyqtaldy. Bul páterde onyń týystary turyp jatqan, olar óz kezeginde kúdiktiniń páterge júgirip kirgenin jáne kıimin aýystyryp, qaıta ketkenin aıtyp berdi. Týystary polısııaǵa kómek kórsetti.
Qojaev bul oqıǵanyń mán-jaıyn aıtyp berdi. Oblystyq ishki isterı departamenti basshysynyń aıtýynsha, kúdikti polısııanyń bekinis beketine kelip, tártip saqshysynyń keýdesine men moınyna birneshe ret pyshaq salǵan. О́lgen polıseıdiń tabeldik qarýy bolmaǵan. Sonymen qatar, kezekshilikte eki adamnyń bolatyny, alaıda, oqıǵa bolǵan kúni olardyń biriniń shaqyrtýǵa ketip qalǵany anyqtaldy.
Qaza bolǵan adam Pavlodar qalalyq ishki ister basqarmasynyń ortalyq bóliminiń ýchaskelik ınspektorynyń kómekshisi, aǵa leıtenant Arlı Harlı Neharovıch, 1985 jyly týǵan. 2009 jyldan beri polısııa qyzmetkeri. Onyń sońynda bir qyzy qaldy.
Talǵat Raıymbek.
Derek: Tengrinews.kz.