El azamattary endi jeke kýáligin tolyqtaı onlaın aýystyra alady. Ol úshin «eGov.kz» portaly men «eGov Mobile» mobıldi qosymshasynda qujatty qashyqtan qaıta rásimdeıtin qanatqaqty joba iske qosyldy. Ony Sıfrlyq damý, ınnovasııalar jáne aeroǵarysh ónerkásibi mınıstrligi men Ishki ister mınıstrligi birlesip, júzege asyryp otyr.
Biraq bul qyzmetti jeke kýálik ıesi ǵana paıdalanady. Buǵan basqanyń atynan nemese senimhat pen qamqorshylyq negizinde ótinim bere almaısyz. Bul adamdardyń ýaqytyn únemdep, kóshi-qon qyzmetindegi júktemeni azaıtýǵa baǵyttalǵan. Sondaı-aq azamattyń jeke kýáligindegi sýreti men qoltańbasy qyzmette kórsetilgen talapqa saı bolýy qajet.
Aıta keteıik, jeke kýálikti onlaın túrde tek onyń qoldanylý merzimi aıaqtalǵanda aýystyrýǵa bolady. Máselen, ol qujat merzimi aıaqtalǵanǵa deıin 30 kún buryn nemese merzimi ótkennen keıingi 10 kún ishinde ǵana qoljetimdi.