Prezıdenttiń el ekonomıkasyna tikeleı sheteldik ınvestısııalar tartý boıynsha alǵa qoıǵan mindetterin júzege asyrý aıasynda Úkimet basym salalardaǵy yntymaqtastyq boıynsha ınvestorlarmen tyǵyz baılanys ornatyp, ilkimdi jobalardy qolǵa aldy.
Premer-mınıstr Oljas Bektenov «Tubacex» vıse-prezıdenti Anton Azlormen kezdesip, ónerkásip salasyndaǵy ınvestısııalyq jobalardy júzege asyrýdy talqyǵa saldy. Mańyzdy kezdesýde ónerkásip salasyndaǵy yntymaqtastyq keleshegi, onyń ishinde joǵary tehnologııaly jańa óndiristerdi engizý máseleleri talqylandy. Jiksiz qubyrlardy qosa alǵanda, munaı-gaz salasynda suranysqa ıe ónimder shyǵarýǵa nazar aýdaryldy.
Sheteldik ınvestor Atyraý oblysynda tot baspaıtyn bolattan jáne nıkel qorytpalarynan jasalǵan jiksiz qubyrlar shyǵaratyn Ortalyq Azııadaǵy alǵashqy zaýytty salý jobasyn usyndy. Joba júzege assa 12 myń tonnaǵa deıin daıyn ónim óndiriledi.
Sonymen qatar zamanaýı munaı-gaz mashınasyn jasaý zaýytyn ashýdyń qareketi te qamtyldy. El Úkimeti qosylǵan quny joǵary ónim shyǵarý boıynsha óndirister ashýǵa basa nazar aýdara otyryp, ónerkásip sektoryna ınvestorlar tartýǵa múddeli ekenin ańǵartty.
Kezdesý sońynda taraptar ári qaraı ashyq jáne syndarly dıalogke daıyn ekenin jetkizdi. Tıisti memlekettik organdarǵa jobany odan ári júzege asyrý úshin qoldaý tanytý tapsyryldy.
Ispanııanyń «Tubacex» kompanııasy munaı men gaz óndirý (sýasty, sýústi jáne jerústi), elektr energııasyn óndirý (dástúrli jáne atom), sondaı-aq munaı hımııasy ónerkásibi salasyndaǵy jetekshi kompanııalar úshin tot baspaıtyn bolattan sonymen qatar energetıkaǵa arnalǵan arnaıy qorytpalardan jasalǵan ónimderdi óndirýde álemdik kóshbasshy sanalady. «Tubacex»-tiń álemde 24 óndiristik kásiporny men 14 qyzmet kórsetý ortalyǵy bar.