Elimizde 2026 jyldyń 1 qańtarynan bastap eń tómengi jalaqy (ETJ) mólsherin arttyrý josparlanyp otyr. Bul týraly Eńbek jáne halyqty áleýmettik qorǵaý mınıstri Svetlana Jaqypova málimdedi, dep jazady Egemen.kz.
Mınıstrdiń aıtýynsha, 2024 jyly Eńbek mınıstrligi osy jyldar ishinde alǵash ret eńbek ónimdiligine, naryqtaǵy ortasha jalaqyǵa jáne ınflıasııa deńgeıine baılanysty eń tómengi jalaqyny anyqtaý ádistemesin bekitti.
«Qazirgi ýaqytta birneshe ınstıtýt eńbek ónimdiligi, medıanalyq jalaqy boıynsha naqty derekterdi jınap, óńirler men salalar boıynsha taldaý júrgizip jatyr. Bul málimetter ETJ mólsherin anyqtaýda negiz bolady», dedi Svetlana Jaqypova.
Mınıstr zertteý jumystary aıaqtalǵannan keıin eń tómengi jalaqyny 2026 jyldyń qańtarynan bastap kóterý qarastyrylyp otyrǵanyn atap ótti.