Qazaqstan Ulttyq olımpıadalyq komıteti mánerlep syrǵanaýshy Mıhaıl Shaıdorovqa 2026 jyly Italııada ótetin Qysqy Olımpıada oıyndaryna daıyndalý úshin qarjylaı qoldaý kórsetti. Bul kómek Halyqaralyq olımpıadalyq komıtettiń (HOK) Olımpıadalyq yntymaqtastyq baǵdarlamasy aıasynda beriletin qurlyqtyq grant arqyly júzege asty, dep habarlaıdy Egemen.kz.
Grant bir olımpıadalyq maýsymdy qamtıdy jáne halyqaralyq jarystarda básekege qabiletti sportshylardy qoldaýǵa baǵyttalǵan. Qarjylandyrý tek jattyǵý prosesi men jarystarǵa qatysý shyǵyndaryn óteýge jumsalady jáne memlekettik bıýdjet esebinen ótelmeıtin shyǵyndardy jabýǵa arnalǵan.
Mıhaıl Shaıdorovpen qatar, qoldaý sadaq atý, badmınton jáne baıdarka men kanoede esý sport túrlerine de kórsetilgen. Bul sportshylar 2025 jyldan 2028 jylǵa deıin kezeń-kezeńimen qarjylandyrylyp, aımaqtyq, qurlyqtyq jáne álemdik jarystarǵa daıyndalady.
Aıta keteıik, buǵan deıin osyndaı grant frıstaıl-akrobatıka boıynsha ulttyq quramany qoldaýǵa baǵyttalǵan bolatyn. Onyń nátıjesinde qazaqstandyq sportshylar 2025 jylǵy Qysqy Azııa oıyndarynda tarıhı altyn medalǵa qol jetkizdi.