Elordada Ishki ister mınıstri, polısııa general-leıtenanty Erjan Sádenovtyń tóraǵalyǵymen áskerdiń basshylyq quramy men ózara is-qımyl jasaıtyn organdar ókilderiniń qatysýymen IIM Ulttyq ulany Áskerı keńesiniń otyrysy ótti.
Kún tártibinde 2025 jyldyń birinshi jartyjyldyǵyndaǵy áskerdiń qyzmettik-jaýyngerlik is-áreketiniń qorytyndylaryn taldandy. Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary, general-maıor Qaırat Úmbetovtiń, sondaı-aq óńirlik qolbasshylyqtar qolbasshylarynyń baıandamalary tyńdaldy. Sonymen qatar quqyqtyq tártipti qamtamasyz etý, jaýyngerlik daıarlyqtyń jaı-kúıi, jańa áskerı bólimderdi jasaqtaý máseleleri talqylandy.
Mınıstr quqyq qorǵaý júıesin reformalaý jaǵdaıynda Ulttyq ulannyń áleýetin nyǵaıtý jáne onyń qoǵamdyq qaýipsizdikti qamtamasyz etý jónindegi mindetterdi oryndaýǵa daıyndyǵy erekshe mańyzǵa ıe ekenin atap ótti.
Otyrys qorytyndysy boıynsha mınıstr áskerı qyzmetshiler arasyndaǵy quqyq buzýshylyqtardyń aldyn alýǵa, jaraqattaný jaǵdaılaryn boldyrmaýǵa, qyzmettik tártipti qamtamasyz etýge, sondaı-aq áskerı bólimderdiń materıaldyq-tehnıkalyq bazasyn odan ári nyǵaıtýǵa erekshe nazar aýdarýdy tapsyrdy.
IIM Áskerı-tergeý departamentine barlyq kúshtik qurylymdardyń áskerı qyzmetshileri arasynda baqylaý men aldyn alý jumystaryn kúsheıtý týraly mindet qoıyldy. Otyrys sońynda úlgili qyzmetimen erekshelengen áskerı qyzmetshiler marapattaldy.
Dildana NURDILDÁ,
L.N.Gýmılev atyndaǵy EUÝ Jýrnalıstıka fakýltetiniń 2-kýrs stýdenti