ASTANA. 22 maýsym. Qaraǵandy oblysyndaǵy Sátbaev qalasynda zorlyqpen óltirilgen polıseıge qatysty qylmys ashyldy. Bul týraly oblystyq ishki ister departamentiniń málimetine súıengen Tengrinews.kz habarlady.
Baspasóz qyzmetiniń málimetinshe, Sátbaev qalasynyń bul qylmysty jasady degen kúdikpen ustalǵan 30 jastaǵy turǵyny ekeýara kelispeýshiliktiń saldarynan jábirlenýshiniń úıine tereze arqyly kirip, adamnyń ólimine sebep bolatyn dene jaraqattaryn keltirgeni týraly moıyndady. Qazirgi tańda ustalǵan azamat ýaqytsha oqshaýlaǵyshyna qamaldy, sotqa deıingi tergep-tekserý amaldary júrip jatyr.
«Krımınaldyq polısııa departamenti men Qaraǵandy oblystyq ishki ister departamentiniń qyzmetkerleri qoǵamdyq dúrbeleń týdyrǵan asa aýyr qylmysty ashty. Sátbaev qalasynda bolǵan jol patrýldik-polısııa batalony qyzmetkeriniń ólimine sebep bolǵan qylmysty jedel túrde ashý maqsatynda júrgizilgen jedel-izdestirý is-sharalary barysynda bul qylmysqa qatysy bar degen kúdiktiniń tulǵasy anyqtalyp, ustaldy», - dedi baspasóz qyzmetindegiler.
Eske sala keteıik, buǵan deıin Qaraǵandy oblysynda zorlanǵan polıseı denesiniń tabylǵany habarlanǵan bolatyn. Oblystyq ishki ister organdarynyń mamandary 46 jastaǵy jol-patrýl polısııasy qyzmetkeriniń máıitin Sátbaev qalasyndaǵy páterinen tapqan. Onyń denesinde zorlyq belgileri boldy.
Talǵat Raıymbek.
Derek: Tengrinews.kz.