Elorda tórinde jýrnalıster qurmetteldi. Merekege oraı buqaralyq aqparat quraldary qyzmetkerlerine «Qurmet» ordeni, «Eren eńbegi úshin», «Shapaǵat» jáne «Eńbek ardageri» medali, sondaı-aq «Aqparat salasynyń úzdigi» tósbelgisi tabystaldy.
Aıtýly kúnde respýblıkanyń túkpir-túkpirinen kelgen BAQ salasynyń qyzmetkerleri Ortalyq kommýnıkasııalar qyzmeti alańyna jınaldy. Alys-jaqynnan jetken jýrnalıster arqa-jarqa qaýyshyp, amandasyp jatty. Memlekettik nagradalardy Mádenıet jáne aqparat vıse-mınıstri Qanat Ysqaqov tabystady.
– Biz búgin aqparat zamanynda ómir súrip jatyrmyz. Mundaı kezeńde jýrnalıstıkanyń róli burynǵydan da arta túspek. «Qaı eldiń baspasózi myqty bolsa, sol eldiń ózi de myqty», dep Mirjaqyp Dýlatuly aıtpaqshy, sizderdiń qoǵamdaǵy oryndaryńyz óte zor. Shyn máninde, «Tórtinshi bılik» atyna laıyq ekenderińizdi dáleldep júrsizder. Memleket basshysynyń reformalaryn jan-jaqty halyqqa jetkizýde BAQ úlken ról atqaryp otyr. Sondyqtan osy memlekette turatyn árbir azamat sizderdiń jumystaryńyzdy baǵalaıdy. О́ıtkeni sizder arqyly qoǵamnyń kóptegen ózekti máseleleri aıtylady jáne bul memlekettik organdardyń jumysyn jandandyryp, jetildirýge yqpal etedi. Sondyqtan osy mańyzdy eńbekterińizge shyǵarmashylyq tabys tileımin, – dedi Qanat Ysqaqov.
Qurmet aldymen jýrnalıstıka salasynyń damýyna súbeli úles qosqan maıtalmandarǵa kórsetildi. «Qurmet» ordeni «Qazaq» radıosynyń ardageri Kúlash Moldahmetovaǵa, «Qazaqstan» ulttyq arnasynyń jetekshi redaktory Sherhan Abdelıevke, «Vechernıaıa Astana» gazetiniń bas redaktory Larısa Ývalıevaǵa tabystaldy.
«Eren eńbegi úshin» medalin «7 arnanyń» bas rejısseri Erjan Abashev, «Atameken Busines» telearnasynyń promo bóliminiń basshysy Gúlsim Ahmetjanova, «Qazaq gazetteri» JShS bas dırektorynyń orynbasary Qambar Ahmetov, «Habar» agenttigi AQ dızaın jáne televızııalyq grafıka departamentiniń jetekshi dızaıneri Aınash Jaılybaeva, «Atameken Business» telearnasynyń qooshy-operatory Vıktor Djıgırıs, «Qazaqstan» telearnasynyń basqarýshy dırektory Aıdyn Egizova, «Habar» agenttigi AQ óndiristik dıreksııa bóliminiń basqarýshy dırektory basshysynyń orynbasary Edil Ermekbaev, Mádenıet jáne aqparat mınıstrligi Aqparat komıteti tóraǵasynyń orynbasary Ilııa Esmaǵul, «Atameken Business» medıa holdınginiń qarjy dırektory Baǵıla Isanova, «Atameken Business» telearnasynyń prodıýseri Gúlnur Islamova, Taldaý jáne aqparat ortalyǵynyń dırektory Mıhaıl Komıssarov, «QazAqparat» halyqaralyq agenttiginiń óńirlik tilshisi Esimjan Naqtybaı, «Kazahstanskaıa pravda» gazetiniń shef-redaktory Marına Parhomenko, «Elorda Aqparat» JShS-nyń fototilshisi Sultanbaı Seıitov, «bairaqmedia.kz» saıtynyń bas redaktory Erbol Seıilhan, «Elorda Aqparat» JShS dırektory Oljas Sydyqbek jáne «IýrInfo» kompanııasynyń bas dırektory Mıhaıl Kolomın ıelendi.
Al «Astana aqshamy» gazetiniń sholýshysy Gúlmıra Aımaǵanbetke, «Aiqyn» gazetiniń betteýshisi Asel Altyshevaǵa, «Egemen Qazaqstan» gazetiniń ınternet-redaksııa jetekshisi Dınar Kerimge jáne Prezıdent janyndaǵy «Ortalyq kommýnıkasııalar qyzmeti» RMM arnaıy jobalar qyzmetiniń bas sarapshysy Ádilet Tólegenge «Shapaǵat» medali buıyrdy.
«Aqparat salasynyń úzdigi» tósbelgisin «24KZ» telearnasynyń shef-redaktory Mánshúk Saıfýllına, «Qazsport» telearnasy redaktorlyq bóliminiń shef-redaktory Azat Smaǵulov, «Astana qalasynyń teledıdary» JShS aqparattyq-saraptamalyq baǵdarlamalar dırektory Juraǵat Baman, «Eýrazııa+Ort» JShS jańalyqtar júrgizýshisi Ǵalym Qalmenov, «Tengrinews.kz» shyǵarýshy-redaktory Ásel Sataeva, «Aıqyn» gazetiniń tilshisi Tilekgúl Esdáýlet, Mádenıet jáne aqparat mınıstriniń keńesshisi Indıra Omarova aldy.
Sonymen qatar jıynda «Eńbek ardageri» marapatyn «Mır» teleradıokompanııasynyń bas operatory Marat Kýrakov ıelendi.
Bul marapattar – jýrnalısterdiń tek kúndelikti eńbeginiń emes, el múddesi jolyndaǵy tynymsyz izdenisi men azamattyq ustanymynyń baǵalanýy. Aqparat keńistiginde halyq pen bılik arasyn jalǵaıtyn altyn kópirge aınalǵan qalamgerler qaýymy dál osyndaı qurmetke ábden laıyq.