Moıynqum aýdanyna qarasıy Qyzyltal aýyldyq okrýgindegi Buryl-Baıtal ormandardy jáne janýarlar dúnıesin qorǵaý jónindegi mekemesiniń bas esepshisi 136 ret issapar jasap, 2,3 mıllıon teńgeniń issapar shyǵynyn shyǵarǵan, dep habarlaıly Egemen.kz.
Bul týraly Jambyl oblystyq máslıhatynyń kezekti jıyrma úshinshi sessııasynda oblystyq máslıhattyń kásipkerlikti, ónerkásipti, qurylysty, kólikti jáne kommýnaldyq salany damytý máseleleri jónindegi turaqty komıssııanyń tóraǵasy Muhanbetaly Shalqarbekov baıan etti
Atalǵan derek «Oblysta orman jáne janýarlar dúnıesin kúzetýdi, qorǵaýdy, molyqtyrýdy qamtamasyz etý boıynsha atqarylyp jatqan jumystar týraly» máseleni zerdeleý kezeńinde anyqtalǵan.
Bir qyzyǵy, 2021 jyldyń maýsym-shilde aılarynda ǵana ol 11 issapar rásimdegen. Osylaısha, jol júrý shyǵyndarynyń jıiligi men mólsheri olardyń negizdiligine kúmán týdyrǵan.
«Esepter jalǵan degen boljam bar, óıtkeni olardyń issapar oryndarynda naqty bolýyn rastaıtyn qujattar joq. Sonymen qatar, mekeme qyzmetkerleriniń arasynda issaparlardy jalǵan rásimdeý jáne alynǵan qarajatty keıinnen bólý úshin sóz baılasý qaýpi bar», – dedi turaqty komıssııa tóraǵasy óz baıandamasynda.
Sonymen qatar taldaý barysynda Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasy jáne onyń qurylymdyq bólimsheleriniń qyzmetine baılanysty birqatar sybaılas jemqorlyq táýekelderi anyqtalǵan.
Uıymdarǵa joǵary bilikti mamandar men jumysshylardy tartý jáne ustaý maqsatynda negizgi laýazymdyq jalaqylaryna 50% mólsherinde ústemeaqy belgileýge ruqsat etilgen. Bekitilgen erejeniń sharttaryna sáıkes, uıymnyń qyzmetkeri tártiptik jazaǵa tartylǵan jaǵdaıda, syılyqaqy tólenbeıdi. Alaıda, taldaý nátıjesinde uıym qyzmetkerlerine belgilengen erejelerdi buza otyryp, jalpy somasy 532764,00 teńgeni quraıtyn syılyqaqylardy esepteý faktileri anyqtalǵan. Máselen, 2021 jyly «Baızaq orman jáne janýarlar dúnıesin qorǵaý» mekemesiniń basshylyǵy qoldanystaǵy tártiptik jazalarǵa qaramastan, 11 qyzmetkerge jalpy somasy 153 895,00 teńge kóleminde syıaqyny jónsiz taǵaıyndaǵan. Sol sııaqty, Aqkól, Aqyrtóbe, Býryl-Baıtal, Sarysý, Qordaı, Moıynqum jáne Jýaly orman jáne janýarlar dúnıesin qorǵaý mekemeleriniń 32 qyzmetkerine aqy tóleý boıynsha 72 fakti anyqtalǵan.