Jambyl oblysy ákimdiginiń qoldaýymen, mádenıet jáne tilderdi damytý basqarmasynyń Oblystyq halyq shyǵarmashylyǵy ortalyǵy jáne Talas aýdany ákimdiginiń uıymdastyrýymen Maıtóbe aýylynyń baýraıynda aýyldyq klýbtar arasynda Art-tımbıldıng is-sharasy ótti, dep habarlaıdy Egemen.kz.
Eki kúnge jalǵasqan is-sharada ár komanda 40 mınýttyq konserttik baǵdarlamalaryn usynyp, óz aýdanyndaǵy mádenıet úıleriniń tynys-tirshiligin jan-jaqty tanystyrdy. Sonymen qatar, ıntellektýaldyq jáne shyǵarmashylyq tapsyrmalarda tapqyrlyq tanytyp, túrli oıyndar men baıqaýlarǵa belsene qatysty.
Is-shara óner men birlikti, rýh pen shabytty ushtastyrǵan jarqyn jańalyqqa toly boldy. Qazylar alqasy qatysýshylardyń kásibı sheberligi men toptyq úılesimdiligine nazar aýdaryp, úzdikterdi anyqtady.
Baıqaý qorytyndysy boıynsha Bas júldeni Talas aýdany jeńip aldy. I oryn Baızaq aýdanyna, II oryn Merki aýdany, III oryn Sarysý aýdanyna buıyrdy. Jeńimpazdar men júldegerlerdi Jambyl oblysy ákimdiginiń mádenıet jáne tilderdi damytý basqarmasynyń basshysy Erlan Júnisbaı arnaıy marapattady. Basqa da erekshe óner kórsetken komandalar yntalandyrý syılyqtaryna ıe boldy.
Osylaısha, eki kúnge sozylǵan «Aýyl-Club» Art-tımbıldıngi aýyl mádenıetiniń jańa tynysyn ashyp, shyǵarmashyl jandardyń basyn qosqan ıgi alańǵa aınaldy.