ATYRAÝ. 16 aqpan. Atyraý oblysynda 2,8 mlrd. teńgeniń 373 múlki zańdastyryldy. Bul týraly egemen.kz tilshisi habarlady.
Elimizde ótken jyldyń 1 qyrkúıeginde bastaý alǵan múlikti zańdastyrý sharasyna atyraýlyqtardyń da qyzyǵýshylyǵy arta túsýde. Zańdastyrý sharasyna baılanysty qurylǵan komıssııalar músheleriniń málim etýinshe, atyraýlyqtardan 4,2 mlrd. teńgeniń 505 múlkin zańdastyrýǵa 397 ótinish túsken. Munyń ishinde 377,7 mln. teńgege baǵalanǵan 23 múlikti qujattardyń jetispeýshiliginen zańdastyrýdan bas tartylǵan. Sonymen birge, qazir komıssııalar múshelerimen 109 múlikke qatysty 72 ótinish qarastyrylyp jatyr. Bulda kórsetilgen múlikterdiń jalpy quny 1,1 mlrd. teńgeni quraıdy.
Múlikterdi zańdastyrýǵa baılanysty ótinishterdiń basym bóligi, ıaǵnı, 303-i Atyraý qalasy turǵyndarynyń úlesini tıesili. Qalalyq turǵyndar 152 turǵyn úı men kommersııalyq baǵyttaǵy ártúrli 126 nysandy zańdastyrýdy kózdepti. Al Qurmanǵazy aýdanynan 33, Qyzylqoǵadan -21, Isataıdan -20, Jylyoıdan -15, Mahambetten -3 jáne Maqat aýdanynan 2 ótinish túsipti. Bir qyzyǵy, Inder aýdanynyń turǵyndarynan múlikti zańdastyrýǵa birde-bir ótinish berilmepti.
Sondaı-aq, atyraýlyqtar tarapynan shetelderdegi múlikti ne qarjyny zańdastyrý týraly ótinish bolmapty.
Joldasbek Shópeǵul.
Derek: egemen.kz.
Sýret: Rahym Qoılybaev.