Elimizde satyp alýdan keıin chek surap, sol arqyly aqsha qaıtaryp alýǵa múmkindik beretin Salyq keshbek jobasy keńeıip jatyr. Endi bul júıege birneshe jańa aýdan men qala qosyldy. Joba aıasynda tutynýshylar árbir fıskaldy chekten 2% mólsherinde keshbek ala alady, dep habarlaıdy Egemen.kz.
Baǵdarlama óte qarapaıym. Dúkennen nemese qyzmet kórsetýshiden keıin fıskaldy chek alasyz, sol chektegi QR-kodty Amian qosymshasy arqyly skanerleısiz. Sodan soń 2% soma kartańyzǵa nemese telefon nómirińizdiń balansyna qaıtarylady. Ol úshin tek Amian mobıldi qosymshasyn App Store nemese Google Play dúkeninen júkteý jetkilikti.
2025 jyldyń maýsymynan bastap keshbek baǵdarlamasy Jambyl oblysynyń Jambyl jáne Moıynqum aýdandarynda, Túrkistan oblysynyń Tólebı aýdanynda, Qaraǵandy oblysynyń Balqash qalasynda, sondaı-aq Mańǵystaý oblysynyń Munaıly jáne Qaraqııa aýdandarynda qoljetimdi boldy. Bul tizimge deıin Qaraǵandy, Shyǵys Qazaqstan, Túrkistan, Aqmola, Qostanaı, Soltústik jáne Batys Qazaqstan oblystarynyń birqatar aımaqtary engizilgen bolatyn.
Jobanyń basty maqsaty – kóleńkeli ekonomıkany azaıtyp, salyqtyq ashyqtyqty arttyrý. Kásipkerler fıskaldy chek berýge mindetti bolsa, tutynýshylar úshin chek alý az da bolsa qarjylaı paıda ákeledi. Ári zańdy bızneske qoldaý bildirýdiń bir joly retinde qarastyrylady.