Petropavl qalasynda «Zamanaýı únmen úndesken daýys: azamattyq qoǵam jáne ulttyq qundylyqtar» uranymen Úkimettik emes uıymdardyń XII oblystyq azamattyq forýmy uıymdastyryldy, dep habarlaıdy Egemen.kz.
Forým aıasynda úkimettik emes uıymdar kóshbasshylary, memlekettik organdardyń ókilderi, saıası partııalar, sarapshylar men buqaralyq aqparat quraldary bir alańda bas qosty.
Forýmnyń basty maqsaty – memleket pen úshinshi sektor arasyndaǵy dıalogty nyǵaıtý, ózekti máselelerdi talqylaý jáne azamattyq qoǵamdy damytý jolynda birlesken sheshimder qabyldaý.
Forým barysynda sóz sóılegen QR Mádenıet jáne aqparat vıse-mınıstri Aızada Amangeldınqyzy Qurmanova, 2025 jyly tek Soltústik Qazaqstan oblysynyń ózinde úkimettik emes uıymdar júzege asyratyn jalpy somasy 400 mln teńgege jýyq 121 joba josparlanǵanyn atap ótti.Onyń ishinde áleýmettik jaǵynan osal toptardy qoldaý, halyqty jumyspen qamtýǵa járdemdesý, volonterlikti damytý jáne ómirlik qıyn jaǵdaıdaǵy azamattarǵa kómek kórsetý – basty nazarda.
Forým qorytyndysy boıynsha memleket pen azamattyq sektor arasyndaǵy ózara is-qımyldyń basym baǵyttary aıqyndaldy. Qatysýshylar tabysty tájirıbelerimen bólisip, ÚEU qyzmetiniń tıimdiligin arttyrýǵa baǵyttalǵan bastamalar usyndy. Áleýmettik máselelerdi sheshýde júıeli dıalog pen seriktestiktiń mańyzdylyǵy taǵy bir márte rastaldy.