Keıingi ýaqytta kitap baǵasynyń kúrt ósýi oqyrmandar arasynda túrli pikir týǵyzyp júr. Qazir keıbir basylymdardyń quny tipti elıtalyq taýarlarmen teńesip barady. Sondyqtan da halyq eń jıi qoldanatyn Kaspi.kz platformasyndaǵy kitaptar baǵasyna kóz júgirtip kórdik, dep jazady Egemen.kz.
Sarapshylar kitap baǵasynyń ósýin baspa shyǵyndarynyń artýymen, avtorlyq quqyqtyń qymbattaýymen jáne naryqtaǵy suranys erekshelikterimen túsindiredi.
Máselen, Kaspi.kz platformasynda usynylǵan L. Ron Habbardtyń bir jınaǵy 2 136 000 teńge turady. Al Konfýsııdiń aforızmder jınaǵy 1,5 mıllıon teńgege baǵalanyp otyr. Bul – arnaıy muqabamen, fýtlıarmen, shekteýli taralymda shyqqan basylymdar. Qazaq etnografııasyna arnalǵan Nursan Álimbaıdyń bes tomdyǵy da 480 myń teńge shamasynda satylyp jatyr.
Bul baǵa saıasaty, bir jaǵynan, ulttyq mura men bilimniń qundylyǵyn tanytsa, ekinshi jaǵynan – qoǵamnyń kitapqa degen qoljetimdiligin shektep otyr. Buryn «kitap – eń arzan muǵalim» dep sanalsa, búginde ol «qundy ınvestısııaǵa» aınalǵandaı.
Kitap dúkenderiniń málimetinshe, qazir ortasha eseppen bir kórkem ádebıet kitaby 5-15 myń teńge aralyǵynda. Aýdarma nemese sheteldik basylymdar 20 myń teńgeden joǵary.