Ol – Jezqazǵan tarıhı-arheologııalyq mýzeıiniń, Ǵaryshkerler mýzeıiniń jáne «Qazaqmys» korporasııasy janyndaǵy Q.Sátbaev atyndaǵy tarıhı-óndiristik mýzeıdiń alǵashqy dırektory. Uzaq jyl arhıvtik tarıhı qujattar men qundy qoljazbalar jınap, zerttep, el kádesine jaratty. Búgingi Ulytaý oblysynyń tarıhı-arheologııalyq mýzeıiniń negizin qalady. Ulytaýlyqtar Sútemgen Búkirov esimin sol úshin qurmetteıdi.
О́lke tarıhyn tirnektep jınap, aımaqtaǵy mýzeı isiniń negizin qalap, aty ańyzǵa aınalyp ketken aıtýly tulǵany keıingi urpaq dáriptep keledi. Ulytaý oblysynyń tarıhı-arheologııalyq mýzeıinde oblystyq mádenıet, tilderdi damytý jáne arhıv isi basqarmasynyń qoldaýymen «Týǵan ólke tarıhynyń shyraqshysy» atty ólketanýshy Sútemgen Búkirov atyndaǵy I Jas ólketanýshylar forýmy ótti.
Oblystyq forýmǵa «Jas ólketanýshy» ataǵyna úmitker 26 oqýshynyń maqalasy kelip tústi. Izdenýshiler Ulytaý óńiriniń tarıhı oryndaryn, jádigerlerin, osy óńirde ómir súrgen tarıhı tulǵalardyń ómir joldaryn zertteýge tyrysqan. Baıqaýǵa tehnıka ǵylymdarynyń kandıdaty, Qazaqstannyń qurmetti metallýrgi Tólegen Búkirov, M.Tóregeldın atyndaǵy taý-ken jáne balqytý isi tarıhı mýzeıiniń basshysy Zeıpin Qazanbaeva bastaǵan arheolog, ólketanýshylar qazylyq etti. Olar jas ólketanýshylardyń týǵan topyraǵynyń tarıhyn zertteýge degen qyzyǵýshylyǵyn, túıgenin tereń jetkize bilý qabiletine, izdenimpazdyǵyna, zerektigine asa mán berdi. Joba qatysýshylaryna ekskýrsııa bóliminiń basshysy E.Muhamedına men tarıh jáne arheologııa bóliminiń aǵa ǵylymı qyzmetkeri Z.Erzakova ekskýrsııa jasap, mýzeı zaldaryn aralatty.
Júldegerler men qatysýshylarǵa aqshalaı syıaqy tabys etildi. Syılyq alyp, keýdesine «Jas ólketanýshy» belgisi taǵylǵan balǵyndardyń júzderi balbul jandy.
Ákesiniń atyndaǵy forýmǵa arnaıy kelgen Gúlnásh Áýbákir apaı jas ólketanýshylarǵa sáttilik tilep, mýzeı ujymyna «Qazaqstannyń Altyn kitaby» atty kólemdi ensıklopedııa syılady.
Ulytaý oblysynyń tarıhı-arheologııalyq mýzeıi Jezqazǵan, Sátbaev, Qarajal qalalarynan, Jańaarqa aýdany, Jezdi, Jáırem kentterinen, Talap, Keńgir, Eralıev aýyldarynan qatysqan talapkerlerdiń maqalalarynan «Týǵan ólke tarıhynyń shyraqshysy» atty jınaq qurastyryp, qatysýshylarǵa syılady.
Jas ólketanýshylar týǵan jerdiń tarıhymen etene tanysý úshin «Týǵan ólkemniń týrıstik marshrýttary» atty baǵytpen Terekti áýlıe mekenine ekskýrsııaǵa shyqty.
Ulytaý oblysy