О́tken senbide Úkimette Premer-mınıstrdiń orynbasary – Ulttyq ekonomıka mınıstri Serik Jumanǵarınniń tóraǵalyǵymen ótken keńeste maýsym aıynyń úsh aptasy men bes aıdaǵy ınflıasııa kórsetkishteri jáne ony turaqtandyrý jaıy qaraldy.
Saýda jáne ıntegrasııa mınıstrligi Ulttyq statıstıka bıýrosymen birlesip ınflıasııaǵa edáýir áser etetin azyq-túlik, azyq-túlik emes taýarlar men qyzmetterdiń 20 negizgi ataýy boıynsha taldaý nátıjelerin usyndy. Bul tizimge sıyr eti, kartop, pııaz, alma, qant, kúndizgi stasıonardaǵy em, salqyn sý men jylý, dárigerdiń alǵashqy qabyldaýy jáne ózge de taýarlar men qyzmetter endi. Olar halyqtyń kúndelikti ómirine tikeleı qatysty ári turmys sapasyna áser etedi.
Jyl basynan beri eldegi ınflıasııa deńgeıi 6,1%-dy qurady. Onyń ishinde azyq-túlik taýarlarynyń baǵasy 6,7%-ǵa, azyq-túlik emes taýarlar 3,6%-ǵa, aqyly qyzmetter 7,8%-ǵa ósken.
«О́tken aptada áleýmettik mańyzy bar azyq-túlik baǵasynyń ortasha ósimi 0,2%-dy, al jyl basynan bergi ósimi 7,5%-dy qurady. Kartop pen qyryqqabattyń baǵasy 0,6% jáne 0,8%-ǵa tómendedi. Alaıda sábiz, pııaz, taýyq jáne sıyr eti baǵasynyń ósý úrdisi saqtalyp otyr», dep atap ótti Saýda jáne ıntegrasııa birinshi vıse-mınıstri Aıjan Bıjanova.
Baǵany turaqtandyrý maqsatynda jármeńkeler uıymdastyrylyp, qant, kúnbaǵys maıy, tuz jáne qus etiniń iri óndirýshilerimen memorandýmdar jasalyp jatyr. Sondaı-aq bordaqylaý alańdaryn qoldaý jáne jemshóp qunyn tómendetý boıynsha memlekettik qoldaý sharalary qarastyrylyp jatyr.
Otyrysta erte pisetin kókónis ónimderin jınaý qarqyny da talqylandy. Erte pisetin kókónis ónimderiniń negizgi jetkizýshisi sanalatyn Túrkistan oblysynda sábiz, pııaz, kartop jáne qyryqqabat jınaý kólemi jospardan aıtarlyqtaı asyp tústi. О́nim kólemi 125%-dan bastap 6 esege deıin kóp. Jappaı jınaý naýqanynyń bastalýyna baılanysty sáýir-mamyr aılarynda kartop ımporty 36%-ǵa, al qyryqqabat ımporty 95%-ǵa qysqardy.
Serik Jumanǵarın ınflıasııaǵa áseri joǵary 20 taýardyń baǵasy qarqyndy ósip jatqan óńirlerdiń esebin tyńdap, jańa ónim boıynsha kelisimshart jasasý barysyn qarady. Sondaı-aq aqyly qyzmetterdiń baǵa ósimin tejeý arqyly jyldyq ınflıasııany belgilengen mejede ustaý qajettigi aıtyldy.
Otyrys qorytyndysy boıynsha vıse-premer óńir ákimdikterine halyq kóp tutynatyn taýarlardy bazarlar men saýda oryndarynda turaqty qamtamasyz etýdi jáne baǵa turaqtylyǵyn baqylaýdy kúsheıtýdi tapsyrdy.