2025 jylǵy shilde aıynda Qazaqstan aýmaǵynda aýa raıy turaqsyz bolady dep boljanyp otyr. Eldiń kóp bóliginde jańbyr, keı jerlerde nóser jańbyr, naızaǵaı, burshaq jáne ekpindi jel bolady, dep habarlaıdy Egemen.kz.
Eldiń ońtústik óńirlerinde óte qatty ystyq temperatýra kútiledi. Keı jerlerde shańdy daýyldar bolýy múmkin. Bul aımaqtarda tótenshe órt qaýpi saqtalady.
Batys Qazaqstan oblysynda shilde aıynyń basynda baıaý jyljıtyn sıklonnyń áserinen kúndizgi aýa temperatýrasy +18…+26°C shamasynda bolady. Alǵashqy onkúndiktiń sońyna qaraı +28…+33°C deıin ysıdy.
Atyraý jáne Mańǵystaý oblystarynda birtindep aýa temperatýrasy kóteriledi. Kúndiz +25…+33°C-tan +30…+38°C-qa deıin ysý kútiledi.
Soltústik jáne ortalyq aımaqtarda aıdyń basynda ystyq kúnder bolsa, keıinirek aýa raıy salqyndaıdy. Kúndizgi temperatýra +25…+35°C shamasynda bolyp, keıin +18…+23°C deıin tómendeýi yqtımal.
Shyǵys óńirlerde shildeniń alǵashqy onkúndiginde aýa temperatýrasy +30…+38°C-qa deıin kóteriledi.
Ońtústik pen ońtústik-shyǵysta 1–5 shilde aralyǵynda ońtústik jáne ońtústik-shyǵys óńirlerde túngi temperatýra +15…+22°C-tan +25…+30°C-qa deıin joǵarylaıdy. Kúndiz aýa +30…+39°C-qa deıin, keı kúnderi +40…+46°C-qa deıin ysıdy. Temperatýra tek alǵashqy onkúndiktiń sońynda tómendeýi múmkin.
Shildeniń ekinshi jáne úshinshi onkúndiginde elimizdiń batys, ońtústik, ońtústik-shyǵys jáne ortalyq óńirlerinde eń ystyq kúnderi aýa temperatýrasy +33…+42°C-qa, al ońtústiktiń keıbir bólikterinde +46°C-qa deıin kóteriledi. Salqyndaǵan kúnderi aýa +23…+28°C shamasynda bolady.
Soltústik jáne shyǵys aımaqtarda túngi temperatýra +15…+23°C-tan +7…+12°C-qa deıin tómendeıdi. Kúndiz +32…+39°C deıin ysıdy, keı kezderi +18…+23°C deıin salqyndaıdy.