2025 jylǵy 1 maýsymdaǵy jaǵdaıǵa sáıkes elimizdegi halyq sany 20 370 672 adamǵa jetti. Bul týraly Ulttyq statıstıka bıýrosy málim etti. Jyl basynan bergi ósim 87,2 myń adamdy qurap otyr. Onyń ishinde negizgi úles – 80 myń adam tabıǵı ósimniń (týý men ólimniń araqatynasy) esebinen bolsa, qalǵan 7,2 myń adam kóshi-qon aıasynda tirkelgen, dep jazady Egemen.kz.
Bıýro derekterine súıensek, elimizdiń 7 óńirinde halyq sany 1 mıllıonnan asyp ketken. Tizimniń kóshin Almaty qalasy bastap tur – megapolıste 2,3 mıllıonnan astam adam ómir súrip jatyr.
Halyq eń kóp shoǵyrlanǵan óńirler:
Almaty qalasy – 2 314 929 adam
Túrkistan oblysy – 2 150 992 adam
Almaty oblysy – 1 575 657 adam
Astana qalasy – 1 566 566 adam
Shymkent qalasy – 1 274 296 adam
Jambyl oblysy – 1 220 481 adam
Qaraǵandy oblysy – 1 133 068 adam
Bul tizimnen elimizdegi iri ýrbanızasııalanǵan qalalar men ońtústik aımaqtardyń demografııalyq salmaǵy aıqyn ańǵarylady. Almaty, Astana, Shymkent sekildi úsh iri qala jeke dara mıllıon turǵyny bar shaharlar bolsa, Túrkistan men Almaty oblystary da halyq sany jaǵynan aldyńǵy qatarda.
Mamandardyń aıtýynsha, halyq sanynyń osyndaı serpindi ósýi eńbek resýrstarynyń artýyna, ishki naryqtyń keńeıýine, sondaı-aq áleýmettik jáne ınfraqurylymdyq jobalardyń mańyzdylyǵyn arttyrýǵa sep bolady.