Almaty oblysynyń birqatar aýylynda ýchaskelik ınspektorlar áli kúnge deıin beıimdelmegen ǵımarattarda jumys istep júrgeni alqaly jıynnyń negizgi taqyrybyna aınaldy. О́ńirdiń halyq tyǵyz qonystanǵan Ile, Talǵar, Eńbekshiqazaq aýdandarynda osy jyly ashylýǵa tıis 10 ýchaskelik polısııa pýnktiniń qurylysyna bıýdjetten qarjy bólinbegen.
Quqyq qorǵaý qyzmetkerleriniń jumysyna keri áserin tıgizetin ózekti másele Almaty oblystyq máslıhatyndaǵy «Amanat» partııasy depýtattyq fraksııa jınalysynda kóterildi. Oblystyq Polısııa departamenti bastyǵynyń orynbasary, polısııa polkovnıgi Nurjan Baıqulovtyń málimdeýinshe, qarajattyń joqtyǵynan atalǵan aýdandarda ýchaskelik ınspektorlar áli kúnge deıin beıimdelmegen nemese jalǵa alynǵan ǵımarattarda jumys isteýge májbúr.
– Ýchaskelik ınspektor – turǵyndarǵa eń jaqyn quqyq qorǵaý ókili. Halyqqa qoljetimdi bolý úshin ár aýylda tıisti pýnkt bolýy kerek. Bıyl Eńbekshiqazaqta – 3, Ile aýdanynda – 3, Talǵarda 4 pýnkt salý josparlanǵan edi. Alaıda bul nysandardyń eshqaısysyna qarjy qaralmaǵan. Bul tek polısııa jumysyna emes, tutastaı alǵanda qoǵamdyq qaýipsizdikke áser etedi, – dedi N.Baıqulov.
Fraksııa tóraǵasy Lazzat Turlashov bul máseleni keıinge qaldyrýǵa bolmaıtynyn atap ótti. Onyń aıtýynsha, ýchaskelik pýnktterdiń bolýy turǵyndardyń qaýipsizdikke degen senimin arttyrady.
– Bul – bizdiń saılaýaldy Jol kartasynda kórsetilgen naqty mindetterdiń biri. Ýchaskelik pýnkt – jaı ǵana ǵımarat emes, halyq pen bılik arasyndaǵy tikeleı baılanys orny. Sondyqtan bul máseleni nazardan shyǵarmaı, sheshim qabyldaýdy talap etemiz, – dedi fraksııa tóraǵasy.
Fraksııa otyrysynyń qorytyndysy boıynsha, depýtattar oblystyq bıýdjetke ózgeris engizip, 10 polısııa pýnktiniń qurylysyn qarjylandyrýdy usyndy. Partııa bul máseleni baqylaýda ustaıtynyn jetkizdi.
«Amanat» partııasynyń 2023–2027 jyldarǵa arnalǵan saılaýaldy baǵdarlamasy aıasynda ótken jyly da qoǵamdyq qaýipsizdikti kúsheıtý baǵytynda birqatar naqty is-shara júzege asty.
Byltyr Almaty oblysynda memleket-jekeshelik áriptestik arqyly 9 100 beınebaqylaý kamerasy men 325 ıntellektýaldy baqylaý júıesi ornatý jobasy bastaldy. Qonaev qalasynda sýqoımasy mańynda qosymsha 51 kamera iske qosyldy.
Sonymen qatar jergilikti bıýdjet esebinen ýchaskelik ınspektorlarǵa arnalǵan 8, al patrýldik polısııaǵa 26 qyzmettik avtokólik satyp alynyp, tolyq paıdalanýǵa berilgen.
Almaty oblysy