Ulytaý oblysy, Sátbaev qalasynda jylytý maýsymyna daıyndyq jumystary qarqyndy júrip jatyr. Bıyl 50 jyldan beri aýyspaǵan magıstraldyq jylý jelileri tolyq kúrdeli jóndeýden ótýde, dep habarlaıdy Egemen.kz.
Qalada úsh birdeı merdiger mekeme jumys jasap jatyr. «Saryaǵash Aman» JShS – №1 magıstral boıynsha 8 shaqyrym jelini aýystyrýda. Búginde 375 m qubyr demontajdalyp, 100 m lotok ornatylyp, dánekerleý jumystary júrip jatyr.
«ASTANAINJKOMSTROI»JShS – №2 magıstral boıynsha 650 m qubyrdy montajdady.
«JANEM» JShS – Qurmanǵazy, Amanjolov, Baıseıitov kóshelerindegi káriz jelilerin qaıta jańǵyrtýdy qolǵa alǵan. Qazirgi tańda 650 m jeli aýystyrylyp, barlyq qajetti materıaldar jetkizilgen.
Qazandyqtarda emýlgatorlar ornatylyp jatyr.
Sonymen qatar, «Molodejnyı» kómirin «Kýý-Chek» kesindisiniń kómirine aýystyrý máselesi de kún tártibinde tur.
Jumystardyń sapasyn baqylaýda ustaý maqsatta apta saıyn merdiger uıymdarmen arnaıy shtab otyrystary ótkiziledi.
Ulytaý oblysy