Qytaıdyń ortalyq jáne ońtústik óńirlerinde bolǵan sý tasqyny saldarynan keminde toǵyz adam qaza taýyp, on myńdaǵan adam úılerin tastap ketýge májbúr boldy, dep habarlaıdy Egemen.kz Associated Press agenttigine silteme jasap.
Tabıǵı apat eń qatty áser etken aımaqtar — Henan, Hýbeı jáne Gýıchjoý provınsııalary. Bul óńirlerde ózender arnasynan asyp, kósheler men úılerdi, saýda oryndaryn sý basty. Keıbir jerlerde sý bógetterdi buzyp, ınfraqurylymǵa edáýir zalal keltirgen.
Qazirgi tańda segiz adam iz-túzsiz joǵalyp ketken. Qutqarý qyzmetteri izdestirý jáne evakýasııalyq jumystardy jalǵastyryp jatyr.
Sarapshylar bıylǵy sý tasqynyn sońǵy jyldardaǵy eń aýqymdy apattardyń biri retinde baǵalap otyr. Mamandar ýrbanızasııa qarqynynyń joǵary bolýy tabıǵı apat saldaryn aýyrlatyp otyrǵanyn alǵa tartqan.