2025 jyly jolshy-ınjener mamandaryn daıarlaý maqsatynda memleket tarapynan «Kólik qurylysy» mamandyǵy boıynsha bakalavrıat baǵdarlamasyna 750 bilim berý granty bólindi. Bul týraly QR Kólik mınıstrligi málimdedi, dep jazady Egemen.kz.
Atalǵan mamandyq boıynsha elimizdiń alty joǵary oqý ornynda bilim alýǵa múmkindik bar. Atap aıtqanda, talapkerler kelesi oqý oryndaryna grant negizinde túse alady:
L.B. Goncharov atyndaǵy Qazaq avtomobıl-jol ınstıtýty (Almaty qalasy); D. Serikbaev atyndaǵy Shyǵys Qazaqstan tehnıkalyq ýnıversıteti (О́skemen qalasy); Halyqaralyq kólik jáne gýmanıtarlyq ýnıversıtet (Shymkent qalasy); A. Sáǵınov atyndaǵy Qaraǵandy tehnıkalyq ýnıversıteti (Qaraǵandy qalasy); M.H. Dýlatı atyndaǵy Taraz óńirlik ýnıversıteti (Taraz qalasy); Logıstıka jáne kólik akademııasy (Almaty qalasy); S. Toraıǵyrov atyndaǵy Pavlodar ýnıversıteti (Pavlodar qalasy).Mınıstrliktiń málimetinshe, «Kólik qurylysy» baǵytyn tańdaǵan talapkerler jol-qurylys salasyndaǵy suranysqa ıe kásipti meńgerýge, zamanaýı ınjenerlik daǵdylardy ıgerýge, sondaı-aq aýqymdy ınfraqurylymdyq jobalarǵa qatysýǵa múmkindik alady. Baǵdarlama stýdentterge kólik jelisin jobalaý, jol sapasyn saraptaý, jańa materıaldarmen jumys isteý jáne zamanaýı tehnologııalardy qoldaný salalarynda tereń bilim beredi.
«QR Kólik mınıstrligi, Ǵylym jáne joǵary bilim mınıstrligi jáne Qazaqstan jol ǵylymı zertteý ınstıtýtynyń birlesken jumysynyń nátıjesinde byltyrdan bastap elimizde «Kólik qurylysy» mamandyǵy boıynsha baǵdarlama qaıta jandandy», delingen habarlamada.