Qasym-Jomart Toqaevtyń tóraǵalyǵymen Qaýipsizdik Keńesiniń kezekti otyrysy ótti, dep jazady Egemen.kz.
Jıynda ishki jáne syrtqy kóshi-qon salasyndaǵy negizgi úrdister qarastyrylyp, Premer-mınıstrdiń orynbasary Ermek Kósherbaevtyń, sondaı-aq Ishki ister, Sıfrlyq damý, ınnovasııalar jáne aeroǵarysh ónerkásibi, Eńbek jáne halyqty áleýmettik qorǵaý mınıstrleriniń aqparaty tyńdaldy.
Memleket basshysy kóshi-qon saıasatyn iske asyrýda geosaıası faktorlar men syn-qaterlerdi, demografııalyq boljamdardy jáne halyqtyń kóshý sebepterin esepke alýdyń mańyzyna toqtaldy.
Prezıdent zańsyz kóshi-qondy boldyrmaý boıynsha baqylaýdy qamtamasyz etý, sondaı-aq eldiń adamı kapıtalyn arttyrýdy yntalandyrý qajettigine nazar aýdardy.
Otyrys qorytyndysyna sáıkes Úkimetke birqatar naqty tapsyrma berildi, sonyń ishinde memlekettik organdardyń fýnksıonaldyq mindetterine saraptama jasaý men qaıta qaraý jáne kóshi-qon salasyndaǵy barlyq aqparattyq júıeni ıntegrasııalaý isin kúsheıtý mindeti júkteldi.