Almaty qalasy Almaly aýdanynyń prokýratýrasy «Baspalar úıi» («Baspa úıi») aksıonerlik qoǵamynyń 100 paıyz aksııasyn memleket menshigine qaıtarýdy qamtamasyz etti, dep habarlaıdy Egemen.kz.
Memleketke tıesili aksııalar 2016 jyly QR Mádenıet jáne sport mınıstrliginiń menshiginde bolǵan. Alaıda atalǵan jyly jalpy quny 2,6 mlrd teńge bolatyn aksııalar jeke tulǵanyń menshigine zańsyz jáne naryqtan tómen baǵamen ótken.
Memlekettiń múliktik múddelerin qorǵaý maqsatynda prokýratýra tıisti tekserý júrgizip, mámileni jaramsyz dep taný týraly sotqa talap-aryz bergen. Birinshi satydaǵy sot prokýrorlardyń ýájin negizdi dep taýyp, mámileni jaramsyz dep tanydy.
Apellıasııalyq saty soty da birinshi satydaǵy sheshimdi ózgerissiz qaldyryp, prokýratýranyń talaptaryn tolyǵymen qanaǵattandyrdy. Osylaısha, sot sheshimi zańdy kúshine endi.