Kólik mınıstrligi asfalt-beton zaýyttarynyń jumysyna baqylaýdy kúsheıtti. Inspeksııalyq jumystardy avtomobıl kóligi komıtetine qarasty jol aktıvteriniń ulttyq sapa ortalyǵy júzege asyryp jatyr, dep habarlaıdy Egemen.kz.
Búginde 431 zaýyttyń 382-si, ıaǵnı 89 paıyzy tekserýden ótti. Astana, Shymkent qalalary jáne Almaty, Jetisý, Qostanaı, Pavlodar, Aqtóbe oblystaryndaǵy barlyq jumys istep turǵan ABZ tolyq qamtylǵan. Inspeksııa qorytyndysy boıynsha birqatar ABZ-ǵa qyzmetin jetildirý jóninde naqty usynystar berildi. Bul – zaýyttardyń qajetti sapa deńgeıine jetýine múmkindik beredi. Qalǵan zaýyttar da tekseriledi.
Mınıstrliktiń málimetinshe tekserý barysynda asfalt-beton zaýyttary jáne zaýyt zerthanalarynyń qoldanystaǵy normatıvtik qujattardyń talaptaryna sáıkestigi jan-jaqty zerdelendi. Ásirese, sapa qyzmetine jaýapty mamandardyń bolýy, jol qurylysy materıaldaryn saqtaý-tasymaldaý erejeleri máselelerine erekshe nazar aýdaryldy. Sondaı-aq, sapany baqylaý boıynsha tehnologııalyq reglamentterdiń bar-joǵy baǵalandy.