«Qazgıdromet» RMK sınoptıkteri 4-5 shildege arnalǵan aýa raıy boljamyn jarııalady, dep habarlaıdy Egemen.kz.
Boljamǵa sáıkes, elimizdiń ońtústiginde aýa temperatýrasy 43-47°S-qa deıin kóteriledi. Bul kúnderi Qazaqstan aýmaǵynda aýa raıynyń qalyptasýyna sıklon jáne oǵan baılanysty atmosferalyq frontaldy júıeler yqpal etedi.
Sol sebepti respýblıkanyń soltústik-batysynda, soltústiginde jáne shyǵysynda naızaǵaıly ótkinshi jańbyr jaýyp, keı jerlerde burshaq túsýi múmkin. Al ońtústik jáne ońtústik-shyǵys óńirlerde aýa raıy negizinen qurǵaq bolady.
Batys pen ońtústik aımaqtarda shańdy daýyl men qatty jel kútiledi.
Kúndizgi ýaqytta elimizdiń basym bóliginde aýa temperatýrasy 35°S-qa deıin ysıdy. Al ortalyq jáne shyǵys óńirlerde kún 40-42°S-qa deıin ysyp, aptap ystyq bolady. Ońtústik pen ońtústik-shyǵysta 35-40°S ystyq kútilip, keı jerlerde 43-47°S-qa deıin kóteriledi.