«Qazaqstan temir joly» ulttyq kompanııasynyń málimetinshe, 2024 jylǵy qyrkúıek pen 2025 jylǵy maýsym aralyǵynda elimizden shetke jóneltilgen jańa astyq óniminiń kólemi 9 mln tonnaǵa jetken. Bul ótken jyldyń sáıkes kezeńimen salystyrǵanda 60 paıyzǵa artyq, dep jazady Egemen.kz.
Sarapshylardyń aıtýynsha, bul kórsetkish – qazaqstandyq astyqqa syrtqy naryqtarda suranystyń joǵary ekeniniń aıqyn dáleli. Sonymen qatar, eksport geografııasynyń keńeıýi men logıstıkalyq ınfraqurylymnyń jańartylýy da oń nátıje bergen.
Astyq jóneltýdiń negizgi baǵyttary – dástúrli túrde Ortalyq Azııa men jaqyn shetelder. Atap aıtqanda:
О́zbekstanǵa – 3,3 mln tonna (ósim – 32%),
Tájikstanǵa – 1,2 mln tonna (+45%),
Aýǵanstanǵa – 309 myń tonna (+46%),
Qyrǵyzstanǵa – 233 myń tonna (+94%),
Iranǵa – 974 myń tonna (17,5 ese kóp),
Ázirbaıjanǵa – 707 myń tonna (116 ese artqan).
Iran men Ázerbaıjan baǵytyndaǵy ósim halyqaralyq kólik dálizderiniń damýy men ekijaqty ekonomıkalyq áriptestiktiń nyǵaıýymen tyǵyz baılanysty.