Bas shahardyń Kólik jáne jol-kólik ınfraqurylymyn damytý basqarmasy Nurjol býlvarynyń Máńgilik El dańǵylynan Túrkistan kóshesine deıingi aralyǵyndaǵy joǵarǵy qabatyn salý boıynsha jumystardy jalǵastyrýyna baılanysty turǵyndar men qala qonaqtaryna kólik qozǵalysy ýaqytsha shekteletini habarlandy, dep jazady Egemen.kz.
Sol oraıda shildeniń 3-4 kúnderi áýeli Máńgilik El dańǵylynan Túrkistan kóshesine deıin, sodan keıin Túrkistan kóshesinen Máńgilik El dańǵylyna deıingi ýchaskede qozǵalys kezeń-kezeńimen jabylady.
«Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady», dep habarlady qala ákimdiginiń resmı saıty.