2025 jylǵy 2 shildede Aqmola oblysynyń Zerendi aýdanyna qarasty Qyzylsaıa aýylynda qaıǵyly jaǵdaı tirkelgen. 13 jastaǵy jasóspirimniń máıitin týystary jazǵy asúıden tapqan. Bul týraly oblystyq polısııa departamenti málimdedi, dep jazady Egemen.kz.
Atalǵan oqıǵa boıynsha qylmystyq is qozǵalyp, qazirgi ýaqytta polısııa qyzmetkerleri oqıǵanyń mán-jaıyn anyqtaýǵa kirisken. Jasóspirimniń óliminiń naqty sebebin anyqtaý maqsatynda sot-medısınalyq saraptamalar taǵaıyndalǵan.
«Qaıtys bolý deregi boıynsha tergeý amaldary júrgizilip jatyr. Saraptamalar nátıjesinde naqty qorytyndy beriletin bolady», delingen habarlamada.
Keıbir beıresmı málimetterde balanyń ýly gaz nemese toksındi býǵa ýlanýy múmkin degen boljamdar aıtylǵan. Degenmen bul aqparattar resmı túrde rastalmaǵan.
Qazirgi tańda quzyrly organdar jan-jaqty tergeý jumystaryn júrgizip jatyr.