Jasóspirimder men jastar arasynda uldar men qyzdar sanaty boıynsha aýyr atletıkadan elordada Azııa chempıonaty búgin bastaldy, 10 shildede aıaqtalady. Týrnır – Qazaqstan jeńil atletıkalyq sport kesheninde ótedi, dep jazady Egemen.kz.
Baıraqty básekege О́zbekstan, Qytaı, Úndistan, Vetnam, Taıland, Ońtústik Koreıa, Kýveıt jáne ózge de Azııanyń 25 elinen 300-den astam sportshy qatysyp jatyr. Qazaqstan quramasy 36 sportshydan quralǵan, bul – chempıonatqa qatysyp jatqan elder arasyndaǵy eń iri delegasııa.
Halyqaralyq aýyr atletıka federasııasynyń (IWF) erejelerine sáıkes ótetin jarysta 17-20 jas aralyǵyndaǵylar atalǵan sporttyń julqa kóterý, serpe kóterý, qossaıys túrleri boıynsha synǵa túsedi.
Kórermenderge kirý tegin.