«О́rleý» biliktilikti arttyrý ulttyq ortalyǵynyń málimetinshe, Jańa formattaǵy jobaǵa irikteýge qatysý úshin 917 ótinim túsken, testileýge 5 pedagogıkalyq joǵary oqý ornynyń túlekteri qatysty, dep habarlaıdy Egemen.kz.
Úmitkerler testileý barysynda pándik bilim deńgeıimen qatar, áleýmettik jáne emosıonaldyq quzyretteri boıynsha da baǵalanyp, úzdik nátıje kórsetken 540 túlektiń elektrondy portfolıolary career.orleu.edu.kz sıfrlyq platformasyna júkteldi. Platforma tek «Keleshek mektepteri» dırektorlary úshin qoljetimdi. Osylaısha, olar óńirlik qajettilikke, pándik baǵytqa jáne úmitkerdiń kásibı daıyndyǵyna sáıkes pedagogti irikteı alady.
Jas pedagogterdi irikteý jumysy aldaǵy ýaqytta da jalǵasady. Ásirese, bilikti kadrlarǵa suranys joǵary óńirlerge basymdyq beriledi.