Astana kúni qarsańynda elordada kommýnaldyq sala qyzmetkerlerine arnalǵan erekshe nysan ashyldy. Abaı dańǵyly men A.Iаnýshkevıch kóshesi qıylysynan oryn tepken «Kommýnaldyq qyzmetkerler alleıasy» turǵyndardyń kózaıymyna aınaldy dese de bolǵandaı.
Bul – eńbegi kópshilikke kórinbese de, árbir turǵynnyń kúndelikti ómirinde asa mańyzdy ról atqaratyn mamandarǵa degen qurmet pen alǵys rámizi. Qala kúnine oraı ashylýynyń máni de sony meńzeıdi.
Joba aıasynda jol bóligi keńeıtilip, 70 kólikke arnalǵan avtoturaq, 33 jaryq sham, 18 jıyntyq oryndyq pen qoqys jáshigi ornatyldy. Sonymen qatar balalar men sport alańdary, vorkaýt aımaǵy, 7 jattyǵý qurylǵysy jabdyqtaldy.
2018 jyly qalanyń 20 jyldyǵy men «Astana sý arnasy» kásipornynyń 60 jyl- dyǵyna oraı ornatylǵan «Sý arnasy» monýmenti de kórnekti orynǵa aýystyrylyp, qaıta ornalastyryldy.
«Sala ardagerlerine – osy istiń bastaýynda turǵan, bilimi men tájirıbesin keıingi urpaqqa mura etken jandarǵa erekshe alǵys bildirdim. Bul alleıa – elorda tirshiliginiń úzdiksiz jumysyn qamtamasyz etip júrgen qarapaıym eńbek ıeleriniń eńbegine degen rızashylyqtyń naqty kórinisi», dedi Astana qalasy máslıhatynyń tóraǵasy Tabıǵat Zeınulqabden.