5–14 shilde aralyǵynda Birikken Arab Ámirlikterinde 57-shi Halyqaralyq hımııa olımpıadasy (IChO-2025) ótedi. Olımpıadaǵa 90-nan astam eldiń úzdik jas hımıkteri qatysady, dep habarlaıdy Egemen.kz.
Qazaqstan quramasyna – respýblıkalyq jáne halyqaralyq olımpıadalardyń jeńimpazdary men júldegerleri atanǵan tórt daryndy oqýshy endi:
Abylaı Kabdýlhadyr – Astana qalasyndaǵy Nazarbaev Zııatkerlik mektebiniń 12-synyp oqýshysy; Ańsar Jaqsylyqov – Aqtóbe oblysyndaǵy «Bilim-ınnovasııa» lıseıiniń 10-synyp oqýshysy; Eńlik Baqytbekova – Almaty qalasyndaǵy Nazarbaev Zııatkerlik mektebiniń 12-synyp oqýshysy; Kırıll Kım – Astana qalasyndaǵy Nazarbaev Zııatkerlik mektebiniń 12-synyp oqýshysy.Qazaqstan quramasynyń jetekshileri:
Sanjar Begdaır – Korea Advanced Institute of Science and Technology (KAIST) magıstranty, halyqaralyq jáne respýblıkalyq olımpıadalardyń jeńimpazy; Rınat Ilıýsızov – halyqaralyq jáne respýblıkalyq olımpıadalardyń jeńimpazy.Aıta keteıik, hımııadan halyqaralyq olımpıada (IChO) – mektep oqýshylarynyń teorııalyq jáne praktıkalyq bilimderin baǵalaýǵa baǵyttalǵan 7 bedeldi olımpıadalardyń biri. Qazaqstan quramasy atalǵan jarysqa 1998 jyldan bastap qatysyp keledi. Osy kúnge deıin quramanyń qorjynynda 10 altyn, 35 kúmis, 48 qola men 4 gramota bar.