Almaty qalasynyń Tóle bı dańǵylynda polısııa qyzmetkerin qaǵyp, qashqan 20 jastaǵy moped júrgizýshisi ustaldy, dep jazady Egemen.kz.
Jergilikti polısııa qyzmetiniń mamandandyrylǵan batalonynyń ekıpajy qarama-qarsy jolaqpen qozǵalyp kele jatqan mopedti baıqap, quqyq buzýshyny toqtatpaq bolǵanymen, ol talapty elemeı, qashyp ketpek bolǵan. Polıseıdiń biri jaıaý qýýdy jalǵastyrǵan kezde, moped júrgizýshisi ony ádeıi qaǵyp, sol jerden taıyp turǵan.
Jedel is-sharalar nátıjesinde ustalǵan oǵan birneshe ákimshilik quqyq buzýshylyq baby boıynsha is qozǵaldy jáne Sot qaýlysymen 10 táýlikke ákimshilik qamaqqa alyndy.
Almaty qalalyq PD jergilikti polısııa qyzmeti basqarmasynyń bastyǵy Serik Shýmaevtyń aıtýynsha, bul – shekten shyqqan áreket. Mundaı jaǵdaıda jazanyń bultartpastyǵy qaǵıdasy iske asady.
«Keıbir jol qozǵalysyna qatysýshylardyń salǵyrttyǵy, jaýapsyzdyǵy nemese agressııasy qoǵamdyq qaýipsizdikke qaýip tóndirmeýi tıis. Ár azamat zań talaptaryn saqtaýǵa mindetti. Biz mundaı quqyq buzýshylyqtarǵa jol bermeımiz», dedi S.Shýmaev.