Elimizde ustazdardy qoldaýǵa baǵyttalǵan «Úzdik pedagog» baı̆qaýy bastaldy. Oqý-aǵartý mınıstrliginiń habarlaýynsha, jeńimpazdarǵa 1000 AEK (3,9 mln teńge) kóleminde memlekettik syıaqy tabystalady, dep jazady Egemen.kz.
«Úzdik pedagog» Respýblıkalyq konkýrsy 2012 jyldan beri dástúrli túrde uıymdastyrylyp keledi. Osy ýaqytqa deı̆in 700-ge jýyq pedagog konkýrs júldegeri atanǵan.
«Úzdik pedagog» ataǵyna bilim berý uı̆ymdarynda jumys isteı̆tin jáne qujattardy tapsyrý kezinde keminde bes jyl úzdiksiz pedagogıkalyq ótili bar pedagogter úmitker bola alady.
Jarysqa mektepke deı̆ingi, orta, tehnıkalyq jáne kásiptik bilim berý uı̆ymdarynyń pedagogteri qatysa alady.
Konkýrs úsh kezeńnen turady:
1-kezeń – aýdandyq, qalalyq deńgeı̆ (8-25 shilde);
2-kezeń – oblystyq deńgeı̆ (28 shilde- 15 tamyz);
3-kezeń – respýblıkalyq deńgeı̆ (18 tamyz – 18 qyrkúıek).
Eki kezeńniń qorytyndysy boı̆ynsha eń joǵary upaı̆ jınaǵan pedagogter respýblıkalyq deńgeı̆ge ótedi. Baı̆qaýǵa qatysýǵa ótinimderdi qabyldaý, tirkeý, konkýrs qujattaryn tapsyrý, baǵalaý uzdikustaz-nobd.edu.kz veb-portaly arqyly júzege asyrylady.
Mınıstrlik baı̆qaý aıasynda muǵalimniń bilim salasyn damytýǵa qosqan úlesi, ustaz qyzmetiniń tıimdiligi men onyń kásibı sheberligi de eskeriletinin atap ótken.