Fransııanyń ońtústiginde bastalǵan joıqyn orman órti ekinshi iri qala Marselge taıap qalǵan. Apat saldarynan temirjol qozǵalysy toqtap, qalanyń halyqaralyq áýejaıy ýaqytsha jabylǵan, dep habarlaıdy Egemen.kz BFMTV jáne France24 telearnalaryna silteme jasap.
Sońǵy birneshe saǵat ishinde jalyn 700 gektarǵa jýyq aýmaqty sharpyǵan. О́rt qurǵaq butalar men shópti alqaptar arqyly tez taralyp, turǵyn, óndiristik jáne kommersııalyq aımaqtarǵa qaýip tóndirip otyr.
О́rttiń qarqyndy taralýyna qatty jel sebep bolǵan. Ispanııaǵa aparatyn halyqaralyq tas jol jabylyp, Marsel halyqaralyq áýejaıynyń ushý-qoný jolaǵyn tútin basyp qalǵan. Sonyń saldarynan ondaǵan reıs toqtatylyp, jolaýshylar áýejaıdan ýaqytsha evakýasııalanǵan.
Áýejaı prezıdenti Jıýlen Koffıne buǵan deıin mundaı kólemdegi tótenshe jaǵdaımen betpe-bet kelmegenin málimdedi.
Qala mańyndaǵy keıbir aýdandardan turǵyndardy evakýasııalanyp, 110 adam túrli deńgeıde jaraqat alǵan.
Apattyń sebebi retinde avtomagıstralde tutanǵan kólik atalyp otyr. Buǵan deıin óńirde eki aptadan astam ýaqyt boıy aptap ystyq bolyp, 19 mamyrdan beri bir tamshy jańbyr jaýmaǵan.