Ahmet Iаsaýı kesenesindegi taı-qazannyń ústinde HVIII ǵasyrdaǵy qazaq batyrlarynyń eskertkish syılyǵy – on tý turǵan. Naıza ushyna ilingen qylquıryqtary bar olar qazaq jerin Reseı patshalyǵy jaýlap alǵanǵa deıin osynda edi dep aıtyp otyratyn kónekóz qarııalar.
Otarshyldyq ta, totalıtarızm de halqymyzdyń tarıhyn, handary men batyrlaryn umyttyrýǵa kúsh salyp baqty ǵoı. Sonyń saldarynan joǵarydaǵy eskertkish – qundylyq ushty-kúıli joq bolǵan. Bir anyǵy, 1926 jyly ataqty ǵalym Masson Túrkistanǵa kelip, kesenede birneshe kún bolyp, joǵarydaǵy týlardy sýretke túsirip alǵan.
Qazaqtardyń berekeli, yntymaqty bolyp, bir Alash týynyń astynda jınalýyna osy jádiger men taıqazan zor qyzmet etkenine tarıhtyń ózi kýá. Bıylǵy jyl – Qazaq handyǵynyń 550 jyldyǵy. Sondyqtan, atalǵan on týdyń kóshirmesin jasap, burynǵy ornyna, Ermıtajdan qaıtyp kelgen kıeli taıqazan turǵan tusqa aıqastyra baılastyryp qoıý kerek. Bul Mádenıet jáne sport mınıstrligi men Túrkistan qalasyndaǵy «Áziret sultan» mýzeıiniń tól isi dep oılaımyz.
Nurmahan NAZAROV,
Túrkistan qalasynyń
qurmetti azamaty.
Ońtústik Qazaqstan oblysy.