Memleket basshysy Shveısarııa Ulttyq bankin basqarýshylar keńesiniń tóraǵasy Martın Shlegeldi qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda Qazaqstan men Shveısarııa Ulttyq banki arasyndaǵy yntymaqtastyqty odan ári damytý máseleleri talqylandy. Qasym-Jomart Toqaev shveısarııalyq mamandar Qazaqstannyń Ulttyq bankine táýekelderdi basqarý jáne tólem júıeleri sekildi baǵyttar boıynsha tehnıkalyq kómek kórsetetinin atap ótip, olardyń qyzmetine joǵary baǵa berdi.О́z kezeginde Martın Shlegel Qazaqstan men Shveısarııa ulttyq bankteri arasynda aqsha-kredıt saıasaty jáne sıfrlyq qarjy salalaryndaǵy dıalogty jolǵa qoıyp, ózara yqpaldastyq aıasyn keńeıtýge nıetti ekenin jetkizdi. Sonymen qatar áńgimelesý barysynda valıýta naryǵyn nyǵaıtý, ulttyq valıýtalarǵa senimdi kúsheıtý sharalary jáne sıfrlyq aktıvterdi damytý máseleleri qarastyryldy.